Pulo Padar

Pulau Padar inggih punika pulo katiga pinih ageng ring wewidangan Taman Nasional Komodo, sesampun Pulo Komodo miwah Pulo Rinca. Pulo puniki pinih nampek ka Pulo Rinca sangkaning ka Pulo Komodo, sané kapasahang olih Selat Lintah. Ring wewidangan pulo puniki wénten taler tigang utawi petang pulo alit. Jimbar pulo puniki kirang langkung 173.300 hektar. Pulo puniki madué iklim sané tuh antuk semak miwah tetaruan padang mawinan ngenah sabana sané jimbar.

Pulo Padar taler katerima pinaka situs Warisan Dunia UNESCO, sawiréh magenah ring tengah wewidangan Taman Nasional Komodo, sareng Pulo Komodo, Pulo Rinca miwah Gili Motang. Pulo Padar nénten wénten Komodo sawiréh rantai ajengan sané kapegat. Soroh reptil ring Pulo Padar inggih punika lelipi cincin mas (Bioga Dendrophylla), alu, toké miwah lelipi gadang. Segara ring wewidangan pulo madué makudang genah sané ketah antuk scuba diving miwah snorkelling.