Piala AFF
Piala AFF (basa Indonésia: Kejuaraan Fedérasi Sepak Bola Perbara, basa Inggris: ASEAN Football Federation Championship; AFF Championship, sadurungnyané mawasta Piala Tiger tur Piala Suzuki AFF santukan sponsor) inggih punika silih tunggil pacentokan sepak bola internasional pantaraning negara-negara ring wewidangan Asia Tenggara. Pacentokané puiki kalaksanayang nyabran kalih warsa olih Federasi Sepak Bola ASEAN (AFF).
Wastannyané sané dumunan mawit saking wastan sponsornyané inggih punika perusahaan bir Singapura, Tiger Beer. Ring warsa 2007, wastan kejuaraané puniki dados Kejuaraan Federasi Sepak Bola ASEAN, ring 2008, mauwah dados Piala Suzuki AFF. Tur salanturnyane ring warsa 2022, mawasta Piala Mitsubishi Elektrik AFF.
Babad[uah | uah wit]
Piala Tiger kakawitin duk warsa 1996 ring Singapura. Ring pacentokan sané kapertama puniki, Thailand dados jayanti risampuné ngasorang Malaysia antuk skor 1-0 ring final.
Ring warsa 1998, Piala Tiger kalaksanayang ring Vietnam. Duk punika wénten pikobet ring pacentokan Indonésia nglawan Thailand. Indonésia miwah Thailand pateh-pateh nénten meled dados jayanti ring pacentokanné punika, sawiréh jagi ngarepin Viétnam pinaka tuan rumah. Punika mawinan pamargi pacentokanné duk punika nénten becik, bek Indonésia Mursyid Effendi nyelapang makarya gol bunuh diri tur kaanggep ngrusak semangat sepak bola. Makadadua tim punika kakenain danda tur Mursyid Effendi nénten kadadosang maplalianan sepak bola ngantos sakayang-kayang. Jayanti ring warsa 1998 inggih punika Singapura sané prasida ngasorang Viétnam antuk skor 1-0.