Peté

Saking Wikipédia
Loncat ke navigasi Loncat ke pencarian
Peté (Parkia specoisa)

Peté inggih punika silih sinunggil pepayonan kacang-kacangan sané prasida tumbuh kantos limolas méter. Giing peté marupa taru, mawentuk bunder, macarang, miwah mawarni coklat masawang barak. Daun peté kawéntenannyané marumpyuk, bongkolnyané marupa bunder, muncuknyané tajep, dawannyané kirang-langkung patpat kantos kalih dasa miliméter, lumbangnyané kalih kantos tigang miliméter, turmaning mawarni gadang. Sekar punyan peté kawéntenannyané ngrumpyuk, lepihan sekarnyané matunggilan, benang sarinnyané akéhnyané dasa, bongkol lepihan sekarnyané neket ring wadah benang sari, muncuknyané madué kahanan bancih utawi luh muani, wentuknyané gada, mawarni kuning, turmaning bongkol lepihan sekarnyané mawarni putih masawang kuning. Buah peté mawentuk polong, magantung, miwah mawarni gadang. Wiji peté kawéntenannyané tebel, pépég, miwah mawarni gadang. Peté madué akah tunggang miwah mawarni coklat. Pamekasnyané, peté madué kawigunan nedunang ténsi, ngicalang stroke, miwah ngicalang méncrét. [1] [2]

Pustaka[uah | uah wit]

  1. Departemen Kesehatan Republik Indonesia. Inventaris Tanaman Obat Indonesia Jilid I. Jakarta, 2000..
  2. "silentnature.net", Petai (Parkia speciosa Hask.) Si Bau yang Bermanfaat.