Pendap
 Pendap saking Bengkulu | |
| Sajian | Darang nasi |
|---|---|
| Mawit saking | Indonésia |
| Wawengkon utawi wewidangan | Bengkulu |
| Suhu penyajian | Panes |
| Lakaran utama | Ulam mabasa sané kakaput aji don keladi |
Pendap inggih punika soroh ajengan sekadi pesan, sané dados ajengan khas saking Propinsi Bengkulu. Pendap ngelah cita rasa lalah miwah gurih, taler ambu khas don keladi sané dados pengaputné.[1] Ajengan khas puniki kanikayang sampun nembus pasaran ring makudang kota ring Indonésia, minakadi Jakarta, Lampung, Palémbang, Pangkal Pinang miwah Jambi, taler pasar mancanegara sekadi Ostrali, Bélgia, Jepang, miwah negara liyanan.[2]
Lelintihan[uah | uah wit]
Pandap inggih punika ajengan tradisional khas Krui, Lampung Kawan, miwah Bengkulu, sané sampun wénten saking aab ‘’nenek moyang’’. Pendap taler polih dados tema silih tunggil tembang sané kawedar ring album tembang daérah Bengkulu sawatara warsa 1990-an. Mawit saking makudang wit, pendap koné dados ajengan senengan saking Présidén kapertama Indonésia Ir. Soekarno rikala ngemargian masa pangasingan ring Kota Bengkulu saking 1938 nganti 1942. Nenten wantah kénten, ajengan khas tradisional puniki taler dados langganan Présidén kalima Mégawati Soekarnoputri.[3]
Tata cara[uah | uah wit]
Makarya pendap kapertama, samian basa-basa kaalusang salanturné kacampuh sareng ulam pilihan sané akéh madaging isi, tur sampun kagetep mauukuran sawatara 3-4 cm, salanturné kacampuh rata sareng kikihan nyuh miwah kikihan nyuh sané sampun magoreng. Dados pangaput pendap, nganggen don biu miwah don keladi, don biu kapanesang duur apine mangda layu, sapunika don keladiné kaumbah miwah kagetep alit-alit. Don keladi katata rapi ring duur don biu ring tengahné kawewehin ulam miwah basa-basa sané sampun kacampuh. Don biu, don keladi taler isiné kakaput becik nganggen tali rafia mangda prasida kakukus. Pawigunaan ulam maisi padet matatujon mangda ngasilang rasa pendap sané gurih taler isiné nénten gelis rusak rikala kalolah sinarengan basa-basa punika. Ring aab sané lintang, isi ulam patut kapendem apetengan mangda ritatkala kadagingin basa-basa pacang gelis nyusup ring ulam punika. Proses fermentasi punika ngaranayang parinama ajengan puniki pendap. Kaunikan liyanan saking pendap wénten ring suwené proses pangukusan. Yen ring ketahné pepes wantah kakukus utawi kapanggang pinih suwé 30 menit, sakéwanten antuk pendap, patut kakukus nganti 8 jam. Paindikan punika kamargiang mangda ngicalang upas oksalat ring bongkol don keladi, rikala punika kaajeng ten karatengin becik pacang ngaranayang gatel-gatel, taler munggahang résiko keni batu ginjal.[1]
Pustaka[uah | uah wit]
- ↑ 1,0 1,1 "Pendap Pepes Unik Bumi Rafflesia". Indonesia.go.id. 2 Désémber 2020. Kaaksés 7 Maret 2023.
- ↑ "Mengenal Pendap, Makanan Nikmat yang Dibungkus Daun dari Bengkulu - Bobo". bobo.grid.id (ring Indonesia). Kaaksés 2023-03-06.
- ↑ Okezone (2015-04-14). "Pedas Gurihnya Pendap Bengkulu sampai ke Mancanegara : Okezone Lifestyle". okezone.com (ring Indonesia). Kaaksés 2023-03-06.