Pemilu

Nyoblos ri tatkala Pemilu

Pemilu inggih punika proses ri kala makasami krama saking silih tunggil negari/wilayah milih jadma anggén ngisi jabatan politik sané jagi ngamong jagat gumine. Pemilu kalaksanayang limang tiban acepok antuk milih wakil krama (saking rakyat). Ring pemiluné nentén Présidén manten sané jagi kapilih, wénten taler calon wakil rakyat lianan sané jagi kapilih antuk ngewakilin suara krama Indonésiané punika kabaos Déwan Perwakilan Rakyat. Sapa sira ja sané jagi kapilih patut prasida mimpin jagaté punika madasar antuk kerahayuan tur karahajengan kramané makasami.