Patung Selamat Datang

Saking Wikipédia

Monumen Selamat Datang utawi Patung Swasti Prapta inggih punika sane magenah ring tengahin Bunderan Hotel Indonesia, Jakarta, Indonesia. Monumen puniki merupa patung manusa apasang lanang kalawan istri sane ngisi bunga sinarengan lan ngayunan tangan maka cihna nyanggra para tamiu sane rauh ring kota jakartane. Patung majeng kaja sane nyihnayang patunge inucap pinaka panyanggra ri sajeroning para tamiu utawi wisatawane sane rauh saking margi Monumen Nasional sane jaga malila cita ring Kota Jakarta.[1]

Babad[uah | uah wit]

Kawentenan Patung Selamat Datang puniki nenten lempas ri sajeroning kawentenan Kota Jakarta sane jagi nyanggra tamiu-tamiu saking dura negara duk warsa 1962 ring Bunderan Hotel Indonesia. Patung manusa apasang lanang kalawan istri punika ngisi bunga sinarengan lan ngayunan tangan maka cihna nyanggra para tamiu sane rauh ring kota jakarta saking margi MONAS Utawi Monumen Nasional. Patunge inucap taler kaiterin panyatusan yeh mancur sane makada maweweh rame panyanggran tamiune sane rauh ka jakarta. Ri kala punika, dane Presiden Soekarno ngawangun Monumen Selamat Datang ri sajeroning kawentenan parikrama ASIAN GAMES sane kaping-IV ring Jakarta. Para atlet lan official katurin nginep ring Hotel Indonesia lan matanding utawi macentok ring wawidangan IKADA, sane mangkin manados wawidangan Gelora Bung Karno, Senayan. Stadion Senayan maka kabanggaan Indonesia daweg punika, santukan stadion sane pinaka stadion sane pinih ageng ring Asia Tenggara inucap sida dagingin para panonton akehnyane 120.000.

Sane maka pamrakarsa kawentenan patung puniki inggih punika dane Presiden Soekarno lan rarincikan sane kapartama kabuat olih dane bapak Henk Ngantung sane daweg punika pinaka Pangliman Gubernur DKI Jakarta. Tegeh patung sane kabuat saking perunggu punika saking sirah kantos batisnyane sawatara wenten 5m, lan tegeh makasaminyane sane saking batis kantos tangan sane maayunan menek punika sawatara wenten 7m, lan tegeh beti patunge wantah 10m.

Undagi[uah | uah wit]

Sane Maka undagi ri sajeroning wewangunan patunge piniki inggih punika angga undagi patung kulawarga Arca sane kapucukin olih bapak Edhi Sunarso ring Karangwuni. Duke wewangunan patunge punika kakaryanang, dane Presiden Soekarno sane kasarengin olih Duta Besar Amerika sane mawasta Mr. Jones lan para menteri polih macecingak ka sanggar bapak Edhi Sunarso. Ngawangun patunge puniki saking ngawit kantos puput nelassang galah sawatara wenten kirang langkung ngatiban sane karesmiang olih dane Presiden Soekarno duk warsa 1962.

Bundaran Hotel Indonesia[uah | uah wit]

Maosang indik Patung Selamat Datang pastika nenten sida lempas ring kawentenan bunderan hotel indonesia santukan kawentenan patung selamat datang punika genahnyane ring wawidangan bunderan hotel indonesia. Genah bunderan hotel indonesia puniki ring jantung Ibu Kota negara inggih punika ring prempatan Jalan M.H Thamrin, Jalan Imam Bonjol, Jalan Sutan Syahrir, lan Jalan Kebon Kacang ring Jakarta Pusat. Wastan Bundaran HI punika kaambil santukan wentuk jalan irika ngalingker lan nampek ring Hotel Indonesia. Duk sane dumun, bunderan puniki pinaka genah paabianan soroh jukut sane katanemin olih para petani saking Bogor sane asil paabianan inucap ngangge tata cara bagi asil. Namun, saat Jakarta menjadi tuan rumah Asian Games pada tahun 1962, dimulailah pembangunan Hotel Indonesia dan peresmian Bundaran HI.

Pikobet[uah | uah wit]

Kawentenan pikobet ri sajeroning lambang utawi logo sane kaange olih mal grand Indonesia majeng ring Patung Selamat Datang sane kawastanin Pikobet ciptaan turunan logo pusat perbelanjaan Grand Indonesia mamargi kalih paletan. Sane kapertama duk warsa 2010 lan sane kaping kalih ring warsa 2021. Patung inucap sampun kadaftarin ring pangkalan data DJKI duk warsa 2010, Indike punika sane ngeranayang ring warsane 2010 punika kulewarga bapak Henk Ngantung ngaturang gugatan majeng ring Grand Indonesia antuk kawentenan logo sane kapertama saking Grand Indonesia, sane ngangge lelawatan Monumen Selamat Datang antuk warna emas. Kuasa hukum kulawarga bapak Henk, inggih punika bapak Andy Nababan sampun sering ngawentenan atur ring Grand Indonesia mangda nenten ngangge logo antuk lelawatan Monumen Selamat Datang pinaka lambang utawi logonyane antuk nenten wenten nunas kalugraan ring sang sane nuenang inggih punika kulawarga bapak Henk Ngantung. Sakemaon, ring Grand Indonesia nenten nureksain atur saking kulawarga bapak Henk Ngantung antuk alasan "logo terinspirasi murni dari patung". Mawali ring sasih Januari warsa 2021, Grand Indonesia katuntut malih olih kulawarga bapak Henk santukan grand indonesia kantun ngangge monumen selamata datang pinaka logonyane lan kawewehin malih antuk lingkeran barak ring logonyane sane anyar. Santukan asapunika, Grand Indonesia kakeniang danda agengnyane A Keti Bara olih kaluwarga bapak Henk Ngantung.

Pustaka[uah | uah wit]

  1. ↑ Monumen Selamat Datang, Rabiul (13 April 2008). "Patung Selamat Datang". archive.today. Kaarsipin saking versi asli tanggal 18 December 2012. Kaaksés 06 Maret 2023. Check date values in: |access-date= (help)

[1]

[2]

[3]

  1. ↑ "Sejarah Jakarta, Makna Bundaran HI dan Tugu Selamat Datang yang Berada di Jantung Ibu Kota Jakarta". Tribuntangerang.com (ring Indonesia). Kaaksés 2023-03-06.
  2. ↑ Saputra, Andi. "Dalil Grand Indonesia Pakai Logo 'Tugu Selamat Datang' hingga Didenda Rp 1 M". detiknews (ring Indonesia). Kaaksés 2023-03-06.
  3. ↑ detikcom, Tim. "Duduk Perkara 'Tugu Selamat Datang' Berujung Denda ke Grand Indonesia". detiknews (ring Indonesia). Kaaksés 2023-03-06.
Kapolihang saking "https://ban.wikipedia.org/w/index.php?title=Patung_Selamat_Datang&oldid=154767"