Patung Pancoran
Monumen Patung Dirgantara utawi sane ketah kabaosang antuk Patung Pancoran pinaka silih tunggil patung monumen sane wenten ring Jakarta. Patung monumen puniki magenah ring wewidangan Pancoran, Jakarta Kelod, pamekas ring wewidangan perkantoran Wisma Aldiron Dirgantara sane duk dumunan pinaka Markas Akbar TNI Tingkatan Udara.[1]
Duk sane dumunan, dane bapak Presiden Soekarno mapikayunan mangda kabuat silih tunggil patung sane makilitan ring dunia penerbangan Indonesia utawi kedirgantaraan. Genahnyane kabaos becik pisan santukan magenah pinih ajeng sane maka pintu gerbang nuju Jakarta majeng ring para tamiu utawi wisatawan sane wawu neket ring Bandar Udara Halim Perdanakusuma. Wewangunan patung puniki mapaletan santukan kawentenan grubug gumi duk kawentenan Gerakan 30 September PKI ring warsa 1965. Baat patung sane kabuat saking perunggu puniki kantos 11 Ton, lan tegeh patunge puniki kantos 11 Meter antuk lantuk lantang batis patung puniki wenten wantah 27 Meter.[2]
Patung puniki nyihnayang manusa angkasa santukan asapunika maduwe wastan aran patung dirgantara sakemaon kramane ketah ngadanin patung pancoran santukan mapaiketan genahnyane ring wewidangan pancoran, sane maduwe suksmannyane kajengahang lan kawanenan bangsa Indonesia ri kala mangiterin angkasa. Prarai Patung Pancoran inucap ngambil palawatan sang Gatot Kaca taler wentuk tangan patung sane tangadah nunjuk menek ka langite punika maduwe unteng patitis mangda para truna-trunine maduwe cita sategeh langit.
Patung puniki karancang olih bapak Edhi Sunarso sane pinaka sang undagi ngawit warsa 1964 kantos warsa 1965 antuk wantuan saking kulawarga Arca Yogyakarta. Indik pengecorannyane kalaksanayang olih Pengecoran Patung Perunggu Artistik Dekoratif Yogyakarta sane kapimpin olih bapak I Gardono. Indik paletan ngewangun patunge inucap kalaksanayang olih PN Hutama Karya antuk maka arsiteknyanne bapak Ir. Sutami.[3]
- ↑ Dirgantara, Patung (22 Juli 2012). Patung Dirgantara Pancoran.
- ↑ "Asal Usul Patung Pancoran Jakarta dan Sejarahnya Lengkap". iNews.ID (ring Indonesia). 2022-03-12. Kaaksés 2023-03-04.
- ↑ Purnamasari, Niken. "Wajah Siapa yang Jadi Inspirasi Patung Pancoran? Ini Jawabannya". detiknews (ring Indonesia). Kaaksés 2023-03-05.