Patung Jalesveva Jayamahé
Monumen Jalesveva Jayamahe utawi Monjaya inggih punika silih tunggil monumen sane magenah ring Kota Surabaya, Jawa Timur. Monumen puniki kawangun olih Pamucuk Staf Angkatan Darat Maritim Indonesia sane kalanturang malih olih Laksamana TNI bapak Muhamad Arifin lan karancang olih bapak Nyoman Nuarta. Lianan pinaka monumen, wangunan puniku taler kaangen pinaka mercusuar antuk kapal-kapal sane wenten ngalintangin ring genahe puniki.
Babad[uah | uah wit]
Kawentenan wangunan monumen Patung Jalesveva Jayamahé puniki kakarsan sane kapartama olih Pamucuk Staf Angkatan Darat Maritim Indonesia sane kalanturang malih olih Laksamana TNI bapak Muhamad Arifin lan karancang olih bapak Nyoman Nuarta sane wewangunannyane kakawitin nemonin petekan masehi 5 desember warsa 1990 lan wewangunannyane puput kantos karesmiang ring petekan masehi 5 desember warsa 1996 olih dane Bapak Presiden Republik Indonesian bapak Soeharto. Acara paresmian monumene puniki mapaiketang ri sajeroning rahina wanti warsa TNI AL ( sane dumun kawastanin rahina Armada TNI AL. Patung Jalesveva Jayamahé tegehnyane wantah 31 meter sane kawangun ring duurin wewangunan gedung sane tegehnyane wantah 29 meter, taler yening katotalang makasami tegeh wewangunan puniki saking gedung kantos patung ngamolihang tegehnyane waenten 60 meter. Ring sisi-sisi tembok gedung puniki kabuat ukiran pandil babad kapahlawanan utawi para wiranegara pejuang-pejuang bahari (TNl AL) saking jaman sadurung revolusi kantos ring warsa 90-an. Gedung puniki taler kaangge pinaka '"Executive Meeting Room” utawi genah para pamucuk negara ri tatkala ngalaksanayang pasamuan.
Desa Ujung sane pinaka wewidangan Kota Pahlawan Surabaya pastika sampun nenten sida kapisahang ri sajeroning kawentenan TNI AL, inggih punika kawentenan duk parebutan Kaigun SE 21/24 Butai duk petekan masehi 3 Oktober warsa 1945. Ri tatkala punika para Bahariawan Penataran Angkatan Laut (PAL) masumpah antuk nguncarang "Saya rela dan iklas mengorbankan harta benda maupun jiwa raga untuk Nusa dan Bangsa" sane madue artos "Titiang Lascarya Mangaturang Jiwa miwah Anggan Titiang ring Nusa lan Bangsa". Santukan kawentenan unteng babad TNI AL akeh paiketannyane ring desa ujung, manadosang Desa Ujung kantos rauh mangkin kaangge pinaka Pangkalan Utama utawi "Home Base" kapal-kapal perang TNI AL sane ageng-ageng, punika taler maka dasar babad kawentenan Monumen Jalesveva Jayamahe kawangun ring desa Ujung Surabaya.
Patitis[uah | uah wit]
Patung Jalesveva Jayamahé ngambarang Sang Perwira TNI menengah Angkatan Laut sane mabusana jangkep antuk pangangge Tenue PDU 1 sane marepin ka segara sane suksmannyane mangda para truna-trunine satata jengah lan nenten jerih ngalangkunin sagara manuju tatujon sane katuju inggih punika cita-cita bangsa Indonesia. Monumen Jalesveva Jayamahe puniki taler mapaiketan ri sajeroning motto angkatan laut Jalesveva Jayamahe sane madue artos "Di Laut Kita Berjaya" utawi "Jayaning Ring Segara".
Undagi[uah | uah wit]
Kawentenan wangunan monumen Patung Jalesveva Jayamahé puniki kakarsan sane kapartama olih Pamucuk Staf Angkatan Darat Maritim Indonesia sane kalanturang malih olih Laksamana TNI bapak Muhamad Arifin.
Sane pinaka undagi wawungan monumen puniki inggih punika silih tunggil undagi patung saking bali sane mapesengan bapak Drs. Nyoman Nuarta sane matunggilan sareng Nyoman Nuarta Group sane ngawitin ngawangun patung piniki nemonin petekan masehi 5 desember warsa 1990 lan wewangunannyane puput kantos karesmiang ring petekan masehi 5 desember warsa 1996 olih dane Bapak Presiden Republik Indonesian bapak Soeharto.
Pustaka[uah | uah wit]
- ↑ "Berwisata Ke Tempat Bersejarah: Sejarah Monumen Jalesveva Jayamahe "Monjaya"". Berwisata Ke Tempat Bersejarah. Kaaksés 2023-03-07.
- ↑ "Monumen Jalesveva Jayamahe Adalah Monumen Angkatan Darat Di Kota Surabaya". www.eastjava.com. Kaaksés 2023-03-07.
- ↑ "MONJAYA, IKON WISATA BAHARI JATIM > W E B S I T E - T N I A L > Seremonial". web.archive.org. 2014-05-18. Kaarsipin saking versi asli tanggal 2014-05-18. Kaaksés 2023-03-07.