Patung Ikan Sura lan Baya
Patung Sura lan Baya puniki pinaka simbol ring kawentenan Kota Surabaya sane ketah kawastanin kota pahlawan, taler sane pinaka ibukota saking provinsi jawa timur. Patung puniki magenah ring ajeng Kebun Binatang Surabaya pamekasnyane ring Jalan Diponegoro, Darmo, Wonokromo, Surabaya. Patung puniki maka lambang lan dasar wit aran genah utawi kota Surabaya, santukan dasarnyane aran Surabaya punika mawit saking kalih kruna sane kagabungan inggih punika kruna Sura sane maartos be kakia lan Baya sane maartos buaya.[1]
Sane pinaka undagi ri sajeroning kawentenan patung surabaya puniki inggih punika silih tunggil undagi patung sane saking surabaya sane mapesengan bapak Sigit Margono. Bapak Sigit Margono embas ring surabaya nemoning petekan masehi 29 Oktober warsa 1944, pinaka seniman patung lan dosen Sekolah Tinggi Kesenian Wilwatika (STKW) Surabaya. Bapak Sigit sampun lebar duk warsa 2016, nemoning rahina anggara petekan masehi 12 juli warsa 2016 santukan keni sungkan struk sane sampun kakeniang kirang langkung kalih warsa.[2]
Manut ring sang undaginyane inggih punika bapak sigit margono, kawentenan patung surabaya punika maduwe unteng patitis inggih punika “berjuang”. Kruna “Surabaya” madue artos sura sane maartos “selamat” lan baya sane maartos ‘baya’ , lan yening kagabungin kruna surabaya punika madue artos selamat saking baya. Baya inucap inggih punika kasalametan krama surabaya saking tentara Tar-Tar sane sida kakalahang olih Raden Wijaya, taler ring rahina kemenangan punika kadadosang hari jadi Kota Surabaya.[3]
Wenten tetiga genah patuh sura lan baya, inggih punika; kapertama ring Depan Kebun Binatang Surabaya (KBS), sane pinaka patung Patung Sura lan Baya sane pinih kaloktah lan kapertama kabuat lan magenah ring Jalan Diponegoro No.1-B, Darmo. Sane kaping kalih ring wewidangan Skate and BMX Park Surabaya, Patung Sura lan Baya sane kaping kalih puniki magenah ring tengahin kota Surabaya, ring Jl. Gubeng Pojok No.5, Genteng. Sane kaping tiga ring wewidangan Pasih Kenjeran, Patung Sura lan Baya sane kaping tiga sane wawu kawangun ring warsa 2019 puniki sida kacingak saking jalan nuju ka pasih Kenjeran Surabaya.[4][5]
- ↑ "Sigit Margono, Pembuat Tetenger Kota Surabaya Meninggal Dunia". Surya.co.id (ring Indonesia). Kaaksés 2023-03-05.
- ↑ "Dosen Seni Rupa, Sigit Margono Seniman Pembuat Patung Suro dan Boyo Meninggal : STKW SURABAYA IS THE BEST". stkw-surabaya.ac.id. Kaaksés 2023-03-05.
- ↑ "Kisah Patung Sura dan Buaya, Ikon Surabaya Penuh Makna" (ring Indonesia). 2020-07-21. Kaaksés 2023-03-05.
- ↑ Jausafadlina, Revica. "Bagi yang Belum Tahu, Ini 3 Lokasi Patung Sura dan Baya yang Ikonik". detikjatim (ring Indonesia). Kaaksés 2023-03-05.
- ↑ "Patung Sura & Baya, Kebanggaan Masyarakat Kota Surabaya". Himpunan Mahasiswa Sastra Jepang. Kaaksés 2023-03-05.