Peken Ubud

Pasar Ubud
Peta genah Peken Ubud
Koordinat: 8.507161702915692°S 115.26271718820303°E / -8.507161702915692; 115.26271718820303
Negara	Indonésia
Propinsi	Bali
Kabupatén	Gianyar
Kecamatan	Ubud
Kelurahan	Ubud
Wewidangan galah	UTC+3 (WITA)

Pasar Ubud magenah ring Jalan Raya Ubud Nomor 35, Gianyar utawi sawatara kirang langkung 1 jam saking Pusat Kota Denpasar. Pasar Ubud puniki magenah ring tengahing utawi ring jantung kota. Genahé puniki dahat strategis duaning magenah ring ajeng Puri Saren Agung Ubud. Pasar Ubud puniki taler nampek saking genah wisata sané tiosan sekadi Monkey Forest, Puri Saraswati, Cekingan, Kintamani, miwah akéh genah wisata sané lianan. Yening selehin ring sejarahnyané, duké riin pasar puniki wantah wénten utawi mabukak nyabran tigang rahina apisan inggih punika ring rahina pasah. Duaning aab jagat globalisasi sekadi mangkin ngawinan pasaré puniki nglimbak dados pasar seni sasukat akeh para wisatawan sané malancaran ka Ubud. Ring rahina semeng ngantos tengai irika akeh anaké ngadol saluiring ajeng-ajengan, piranti yadnya, ulam, miwah sané tiosan. Ring galah tengai nuju sanja nyantos wengi, pekené puniki mauah dados pasar seni sané ngadol makudang-kudang kerajinan khas Ubud sekadi gegambaran, soroh perak, soroh kuwaca, tas, miwah soroh kerajinan sané lianan. Kerajinan puniki kakaryanin olih krama Ubud utawi krama Bali sané tiosan. Sane mangkin Pasar Ubud sampun karenovasi sinah ngawinang genahé puniki sané becik lan kedas tur pastika ngawinang rasa liang sang sané ngrauhin.

Galeri

• 
  Sisi jaba wawidangan parkir Pasar Ubud
• 
  sisin tengah Pasar Ubud
• 
  Pasar Ubud rikala puwun 24 Maret 2016
• 
  Pasar Ubud warsa 2014
• 
  Pasar Ubud.