Om Shanti Om

Saking Wikipédia
Om Shanti Om
Berkas:Omshantiom.jpg
Poster rilis teatrikal
SutradaraFarah Khan
ProduserFarah Khan
Screenplay olihMayur Puri
Topper Alam
Cerita olihFarah Khan
Bintang PilemShahrukh Khan
Deepika Padukone
Musik olih[[ Vishal-Shekhar]]
SinematografiV. Manikandan
Uahin olihSanjay Verma
Kadistribusi olihFilmkraft Productions (I) Pvt. Ltd.
Tanggal rilis
9 November 2007
Lantang galah
170 menit
NegaraIndia
BasaHindi

Om Shanti Om inggih punika pilem India sané medal ring warsa 2007. Pilem puniki kasurat, kasutradarain miwah kakaryanang koreografer olih Farah Khan. Kapragianain olih Shah Rukh Khan miwah pilem kapertama Deepika Padukone sané dados pragina utama. Wenten taler Arjun Rampal, Shreyas Talpade miwah Kirron Kher dados pragina pendukung[1].

Pemeran Pilem[uah | uah wit]

Sinopsis Pilem[uah | uah wit]

Om Prakash Makhija (Shah Rukh Khan) inggih punika pragina alit ring pilem Hindi warsa 1970. Om kasmaran sareng pragina pilem sané kasub maparab Shanti Priya (Deepika Padukone). Nuju acara Premier pilem Shanti Dream Girl, Om mapi – mapi dados aktor Manoj Kumar apang Om ajak timpalne Pappu (Shreyas Talpade) nyidaang macelep ka acarane ento. Dimulihne Om ajak Pappu mamunyah tur ngacuh. Om ngoraang buin pidan Ia lakar dadi pragina ane paling kasub di India. Caritayang Om ajak Shanti ada di pilem ane patuh. Shanti dadi pragina utama, Om dadi pragina cenik ane tuah ngenah abedik. Ditu lantas Om nyelametang Shanti ane ada di tengah api gedé ulian tongos shooting pileme kebakaran. Sekat ento Om ajak Shanti saling kenal tur matimpal. Sedek dina anu, Om nutug Shanti uli duri. Shanti macelep ka ruang riasne, Om ngintip uli ruangan disampingne. Om lantas ningeh yéning Shanti sedek ngorta ajak produser Mukesh Mehra (Arjun Rampal). Shanti ngoraang ia sedek beling. Mukesh makesiab tur mapi – mapi bagia. Om ane ningeh orti ento banget sungsut tur sakit ati. Mukesh ngelut Shanti tur majanji lakar muungang pilem Om Shanti Om ane lakar gaena. Mukesh ngaku lakar ngoraang di media yéning Ia miwah Shanti suba nganten, wireh Shanti miwah Mukesh mula suba makelo matunangan mendep – mendep. Mukesh ngajak Shanti ka tongos shooting pilem Om Shanti Om, krana pilemne lakar buung kagarap, Mukesh ngoraang tongose ento lakar anggo tongos ngantene ajake Shanti. Shanti liang tan kadi ningehang munyine Mukesh. Nanging sedek Shanti marasa liang, Mukesh nuludang Shanti tur nyemak korek morbor tongose ento. Mukesh lantas ngalain Shanti di tengah gedunge ane suba kabakar. Shanti ngeling uli di tengah ngidih olas apang Mukesh nyelametang Shanti.

Tusing joh uli ditu, Om nepukin ada api gedé uli tongosne Shanti ajaka Mukesh macelep tuni. Ia lantas malaib nyagjagin tur nepukin Shanti katulung – tulung ngeling uli tengah. Ritatkala Om sedek mautsaha nyelametang Shanti, Om kagebug miwah kacakcak olih preman ane utusa ajak Mukesh. disubane premane ento magedi, Om macelep ka tengah, nanging krana apine kaliwat gedé. Om miwah Shanti tusing nyidaang saling jujuh, kanti ada munyin ledakan ane gedé ane ngranayang Shanti ketes joh ka tengah tur Om ketes pesu uli gedunge ento. Om ane ketes ka margine raris katabrak olih mobilne Rajesh Kapoor (Javed Sheikh) ane sedek mageso-gesoan lakar ngatehang kurenane ngalekadang pianakne. Teked di Rumah Sakit, Om padem mabarengan ajak lekad panakne Rajesh Kapoor. Panakne Rajesh kaadanin Om Kapoor. Om kajulukin “OK” disubanne ia menek truna Om dadi aktor ane kasub sakadi ane dotange tekén Om Prakash. Om Kapoor mula tumitisan Om Prakash, krana makejang ane taen sambatanga tekén Om Prakash enu ingetanga tekén Om Kapoor. Om Kapoor makesiab wireh ia ngemaang pidato dugas maan penghargaan kabayang – bayang dugas Ia enu dadi Om Prakash di idupne ane malunan. Pidatone ento lakar kapabalih olih Pappu, timpalne ane jani suba tua. Disubane nerima penghargaane ento, Ajine Om ngae perayaan ajak timpal – timpal artine. Ditu Om matemu ajak Mukesh Mehra. Om sayan inget nyen Mukesh Mehra ento, Om taler inget tekén kenken Shanti Priya kamatiang olih Mukesh Mehra. Petenge ento Om teka ka umahne pidan tur matemu ajak ibune (Kirron Kher). Disubanne Om inget makejang dugas idupne maluan, OM, Pappu ajak Ibune marencana lakar ngwales Mukesh Mehra.

Pustaka[uah | uah wit]

  1. IB16 (2020-06-01). "Sinopsis Film Om Shanti Om (2007) Lengkap" (ring Indonesia). Kaaksés 2021-05-25.