Noonsom
Noonsom inggih punika silih tunggil ajengan tradisional krama Sabah. Ajengan puniki wantah silih tunggil ajengan sané ketah miwah ajengan tradisi krama Kadazan-Dusun. Noonsom ketah kawastanin jeruk ring basa Melayu.
Noonsom ketahnyané madué tigang soroh inggih punika Noonsom Sada, Noonsom Bambangan miwah Noonsom Tuhau.
Noonsom Sada malakar aji ulam toya tawar. Tata cara makarya ajengan puniki ulam patut karesikang dumun salanturnyané kacampur antuk basa sakadi pangi, nasi miwah tasik. Basa-basa puniki pacang kacelepang ka tengah wadah miwah kasekep salami kirang langkung 1 minggu ngantos 2 minggu.
Noonsom Bambangan malakar aji woh-wohan. Ketahnyané nganggén Bambangan sané sampun kairis, salanturnyané kacampur sareng biji Bambangan makikih miwah kadagingin tasik. Salanturnyané kasekep salami kirang langkung 1 minggu.
Noonsom Tuhau malakar aji taru-taruan, ketahnyané nganggén taru Tuhau. Taru Tuhau kairis alus miwah kacampur basa sakadi cuka, tasik, miwah tabia. Salanturnyané kasekep makudang menit ngantos ajam.[1]