Nasi Kandar
 Nasi Kandar | |
| Tipé | Hidangan nasi |
|---|---|
| Sajian | Menu utama |
| Mawit saking | Malaysia |
| Wawengkon utawi wewidangan | Penang, Pulau Pinang |
| Suhu penyajian | panas atau suhu ruangan |
| Ajengan sané pateh | Nasi Padang, nasi rames |
Nasi kandar inggih punika silih tunggil ajeng-ajengan khas saking Malaysia sané kasub ring utara Malaysia inggih punika ring Penang miwah Pulau Pinang.[1] Ajengan puniki masaih sareng nasi Padang miwah nasi rames nanging binannyané ring nasi kandar puniki madaging kuah kari sané akéh.[2] Kuah kari puniki sekadi kuah kari daging, kuah kari ayam, utawi kuah kari ikan. Lianan ring kuah kari, ajengan nasi kandar taler madaging ulam sekadi ayam goreng, kepala ikan curry, miwah daging sapi kari. [1]
Nasi kandar mawit saking Tamil Muslim sané ngamargiang migrasi saking India ka Malaysia duk abad ka-19. Ipun ngawitin maadolan antuk tata cara sané unik, inggih punika kategen nganggén tiing. Santukan kaadol antuk tata cara kategen, niki sané ngawinang ajengan puniki kawastanin nasi kandar. Nasi mateges nasi utawi ajengan, miwah kandar madué piteges pala. [2][1]
Panglimbak nasi kandar puniki taler maiketan ring kawéntenan Weld Quay Port sané kadadosang pelabuhan internasional. Niki ngawinang i rika akéh wénten pekerja imigran sané dados buruh utawi buruh bangunan. Santukan kahanan sekadi puniki, para imigran Muslim raris ngadol ajengan sané madaging kuah kari utawi nasi kandar [3].
Salanturnyané ring warsa 1970-an embas warung-warung sané ngadol ajengané puniki. Ulam-ulam kaadol langsung sané ngawinang prasida kapilih olih ulamnyané soang-soang. Ketahnyané wénten 40 utawi 50 pepilihan ulam[2][1]
- ↑ 1,0 1,1 1,2 1,3 "10 Fakta Menarik Nasi Kandar, Lengkap dengan Resep dan Sejarahnya". PARBOABOA (ring Indonesia). Kaaksés 2024-08-18.
- ↑ 2,0 2,1 2,2 "Nasi Kandar: dari Penang hingga Populer di Indonesia - JNEWS Online" (ring Inggris). 2024-03-22. Kaaksés 2024-08-18.
- ↑ Anggraini, Dewi. "Legendaris! Nasi Kandar Khas Malaysia Sudah dari Abad ke 19". detikfood (ring Indonesia). Kaaksés 2024-08-18.