Muhammad ibn Musa al-Khwarizmi

Saking Wikipédia
Loncat ke navigasi Loncat ke pencarian
1983 CPA 5426.jpg

Muhammad ibn Mūsā al-Khwārizmī (basa Pérsia: محمد بن موسى خوارزمی, embas k.l. 780 M, padem k.l. 850 M) inggih punika sang maraga wikan sané akéh karyannyané ring matématika, astronomi, miwah géograpi.[1] Duk 820 M Ida kadadosang juru astronomi miwah murdan perpustakaan ring Umah Kaweruhan, ring Baghdad.[2]

Ida embas ring kulawarga anak Pérsia, ring kota Khwarizm sané rahinané mangkin magenah ring Uzbékistan.[3][4][5]

Ida nyurat buku sané mamurda "Indik Milang Anggén Angka Hindu". Bukuné punika kasalinang basané ka basa Latin, kirang-langkung 300 warsa salanturnyané, tur ngranjingang angka India-Arab ka bangsa Wétan. Raris angka-angka India-Arab punika ngganti angka-angka Latin sané kaanggén ring Éropa ngantos daweg punika. Ring basa Latin, wastan Al-Khwarizmi kadadosang "Algoritmi"; punika mawinan rahinané mangkin wénten kruna "algoritm" sané kaanggén ring ilmu matématika.[6] Kruna "algébra" taler mawit saking silih sinunggil bukunnyané Al-Khwarizmi. Ring buku-bukunnyané, Al-Khwarizmi midartayang solusi indik matématika meweh akéh. Ida nyurat buku indik geograpi miwah astronomi taler. Ida dados kasub pinaka "Bapan Algébra".[7]

Pustaka[uah | uah wit]

  1. Arndt, A. (1983). Al-Khwarizmi. The Mathematics Teacher, 76(9), 668–670
  2. Maher, P. (1998). From Al-Jabr to Algebra. Mathematics in School, 27(4), 14–15.
  3. Corbin, Henry (1998). The Voyage and the Messenger: Iran and Philosophy. North Atlantic Books. k. 44. ISBN 978-1-55643-269-9
  4. The Math Book: From Pythagoras to the 57th Dimension, 250 Milestones in the History of Mathematics : k. 84
  5. "Who is Khwarizmi?". Iranian Research Organizationfor Science and Technology.
  6. "Why algorithms are called algorithms (video)". BBC.
  7. Corbin, Henry (1998). The Voyage and the Messenger: Iran and Philosophy. North Atlantic Books. k. 44. ISBN 9781556432699.