Maulid Adat Bayan
Maulid Adat Bayan inggih punika acara indik Maulid sané mawit saking Lombok, ketah kabaos Mulud Adat Bayan. Peringatan Maulid Nabi Muhammad kalaksanayang olih krama Adat Bayan pinaka penghormatan majeng ring Rasulullah. Acara puniki kalaksanayang salami kalih dina antuk jadwal sané sampun kaatur.
Bayan wantah kori ngranjing Islam ka Pulo Lombok. Masjid Kuno Bayan sané kawangun ring abad ka-16 wantah bukti penyebaran agama olih Wali Songo. Rikala punika, wénten akulturasi adat Sasak miwah agama Islam. Ring wewidangan masjid kari wénten makam leluhur penyebar agama Islam, sakadi makam Gauz Abdul Razak (makam Reaq), makam Titik Masi Pelawangan, makam Titik Mas Penghulu, makam Sesait, makam Karang Salah, miwah Makam Desa Anyar.
Maulid kalaksanayang salami kalih dina ring tanggal 14-15 Rabi'ul Awal. Ring dina kapertama, krama nyiapin bahan sanganan miwah perlengkapan upacara "Kayu Aiq" miwah dina kakalih kalaksanayang doa miwah ngajeng sareng ring Masjid Kuno Bayan. Prosesi Mulud Adat Bayan utawi Maulid Adat Bayan kasarengin olih krama Desa Loloan, Desa Anyar, Desa Sukadana, Desa Senaru, Desa Karang Bajo, miwah Desa Bayan. Makesami desa punika kagabung ring wawidangan adat inggih punika Komunitas Masyarakat Adat Bayan. Wénten perhitungan indik perayaan Maulid ring Lombok sané kawastanin Sareat (Syariát). [1]
- ↑ "Home". Diskominfo (ring Indonesia). Kaarsipin saking versi asli tanggal 2023-01-08. Kaaksés 2023-01-08.