Manteb Soedharsono

Ki Manteb Soedharsono
Embas	Manteb Soedharsono (1948-08-31)31 Agustus 1948 Dusun Jatimalang, Palur, Mojolaban, Sukoharjo, Surakarta, Indonésia
Séda	2 Juli 2021(2021-07-02) (yusa 72) Karangpandan, Karanganyar, Surakarta, Indonésia
Wastan liyanan	Ki Manteb Dalang Setan (julukan)
Pakaryan	Dalang Seniman
Gaya	Gagrag Surakarta
Kurenan	Samirah (k. 1966; c. 1967) Suparmi (1967–?; bercerai) Sumarni (1969–?; bercerai) Sani (?–?; bercerai) Sri Suwarni (k. 1978; c. 2005) Erni (?–?; bercerai) Benny 'Sasya' Syamsiah (k. 2011; c. 2012) Suwarti (k. 2013; s. 2021)
Oka	Pernikahan dengan Samirah: Medhot Samiyana Pernikahan dengan Suparmi: Endar Maryati Pernikahan dengan Sumarni: Anik Wijayanti Retno Palupi Pernikahan dengan Sri Suwarni: Danang Suseno Gatot Tetuko Anak angkat: Bagas
Pasemetonan	Marsi (adik) Manta Muda Darsana (adik) Tuwana (adik) Maryana Brahim Saputra (adik) Darmadi Ari Darsana (adik) Suprapti (adik)

Ki Manteb Soedharsono (aksara Jawa: ꦏꦶꦩꦤ꧀ꦠꦼꦧ꧀‌ꦱꦸꦢꦂꦯꦤ, embas ring Mojolaban, Sukoharjo, Surakarta, 31 Agustus 1948 – seda ring Karangpandan, Karanganyar, Surakarta, 2 Juli 2021 ring yusa 72) inggih punika dalang wayang kulit kasub sané mawit saking Surakarta. Riantukan kawagedannyané ring sajeroning maplalianan wayang, dané kasengguh "Dalang Setan" olih para penggemarnyané. Dané taler kasengguh pinaka pelopor gabungan seni pedalangan sareng piranti musik modern.

Kauripan

Ritatkala muda

Manteb Soedharsono inggih punika okan dalang sané mawasta Ki Hardjo Brahim. Ida embas ring Dusun Jatimalang, Kelurahan Palur, Kecamatan Mojolaban, Kabupatén Sukoharjo, Jawa Tengah, ring tanggal 31 Agustus 1948.

Ki Hardjo Brahim inggih punika silih tunggil seniman sané nénten madué pakaryan lianan sajabaning ngdalang. Manteb pinaka putra kapertama sane kaplajahin mangda prasida dados dalang murni sakadi ragan idane. Ki Hardjo sering ngajak Manteb nyarengin ngigel ri tatkala ia ngelaksanayang pertunjukan.

Mungguing biang Manteb sané taler seniman, seneng yéning pianaknyané madué pakaryan sisi. Punika mawinan, Manteb taler masekolah ring STM Manahan, Solo. Nanging saking alit Manteb sampun kasub dados dalang kantos pendidikannyané taler katinggalang. Pamuputipun, dané raris ngutang sekolahnyané mangda prasida nyalanang karier dados pelawak.

Ngamolihang identitas

Antuk nincapang kawagedannyané, Manteb akéh malajah saking dalang senior, upaminyané saking dalang legendaris Ki Narto Sabdo ring warsa 1972, miwah saking Ki Darman Gondo Darsono sané wikan 'sabet' ring warsa 1974.

Ring warsa '70 miwah '80an, jagat wayang kulit kadominasi olih Ki Narto Sabdo miwah Ki Anom Suroto. Ki Manteb mautsaha mangda prasida manggihin jati diri mangda prasida tetep wénten ring karirnyané. Yéning Ki Narto mahér ring seni dramatisasi, raris Ki Anom mahér ring olah suara, raris Ki Manteb milih antuk malajahin seni nguripang wayang, utawi sané kabaos antuk istilah 'sabet'.

Ki Manteb ngaku hobi nyingakin film kung fu sané matongos Bruce Lee miwah Jackie Chan, antuk salanturnyané kaanggén ring pedalangan. Antuk nyuksmayang 'sabet' sané kamedalang, Ki Manteb taler makta piranti musik modern ka panggung, minakadi drum, biola, trompet, utawi simbal. Ring pangawitnyane, parindikan punika ngawinang para pamimpiné sané sampun wikan ring kawéntenan parindikan punika sami pada nyacad parindikan punika. Sakéwanten nénten akidik sané nyokong inovasi Ki Manteb.

Keahlian Ki Manteb ring olah raga sabet nénten ja wantah adegan berkelahi kémanten, nanging taler wénten adegan igel, sedih, liang, angob, pules, miwah sané lianan. Lianan ring punika dané taler ngripta adegan flashback sané sadurungnyané wantah kauningin ring dunia perfilman miwah karya sastra kémanten. Dané mapikayun yéning pacang dados dalang sané mahir, dané patut prasida makarya wayang kulit antuk tangannyané.

Prestasi

1. Warsa 1982, Ki Manteb dados jayanti "Pakeliran Padat" sa-Surakarta. Prestasi punika ngawinang parabnyané sayan nglimbak.
2. Warsa 1995, Ki Manteb ngmolihang penghargaan saking Presiden Soeharto marupa Satyalancana Kebudayaan.
3. Warsa 1998, Ki Manteb ngelaksanayang pertunjukan kolosal ring Museum Keprajuritan Taman Mini Indonésia Indah, antuk lakon 'Rama Tambak'. Panglimbak sané becik puniki kadukung olih pakar wayang STSI.
4. Ring warsa 2004 Ki Manteb ngamolihang rekor MURI ngdalang selami 24 jam 28 menit tan pajeda.
5. Ring warsa 2010 penghargaan "Nikkei Asia Prize Award 2010" ring widang kebudayaan kapaica ring Ki Manteb Soedharsono duaning kontribusine sane signifikan ring kelestarian lan kemajuan kebudayaan Indonesia utamanyane wayang kulit.

Pilmograpi

Pilem

Warsa	Murda	Pragina	Produksi
2016	Jagoan Instan	Mbah Parto	Starvision Plus

Iklan

• Oskadon (1996–2023)

Pustaka liyanan

• Nurdiyanto (2015). Ki Manteb Soedharsono: Profi Dalang Inovatif. Yogyakarta: Balai Pelestarian Nilai Budaya (BPNB) Daerah Istimewa Yogyakarta. ISBN 9789798971549.CS1 maint: ref=harv (link)
• Abbas, A. Komar; Subro, Seno (1995). Ki Manteb "Dalang Setan": Sebuah Tantangan. Surakarta: Yayasan Resi Tujuh Satu. OCLC 604648089.CS1 maint: ref=harv (link)

Pranala jaba

• Situs web resmi Ki Manteb Soedharsono Archived 2011-10-26 at the Wayback Machine
• Ki Manteb Soedharsono di KapanLagi.com