Mandalika
| Mandalika | |
|---|---|
 | |
| Koordinat: 8°53′40″S 116°17′29″E / 8.894477°S 116.291374°E | |
| Negara |  Indonésia |
| Propinsi | Nusa Tenggara Barat |
| Kabupatén | Lombok Tengah |
| Pinanggal kaadegang (Special economic zone)[1] | 1 Juli 2014 |
| Jimbar | |
| • Total | 10,36 km2 (400 sq mi) |
| Wewidangan galah | UTC+08:00 |
Mandalika inggih punika silih tunggil genah wisata sané magenah ring wewidangan Kabupatén Lombok Tengah, Nusa Tenggara Barat Jimbarnyané ngantos 1.035 hektar. Ngawit warsa 2007, Mandalika sampun karesmiang dados Kawasan Ekonomi Khusus (KEK). Mandalika ngantos mangkin madué pitung genah wisata sané kaloktah inggihnyané Pasih Kuta, Pasih Seger, Pasih Sereting, Bukit Merese, Pasih Tanjung Aan, Batu Puyung miwah Pasih Gerupuk.[3][4]
Kacritayang wénten putri sané kasub mawinan rupannyané kalintang ayu tur parilaksana sané becik. Ritatkala sampun menék kelih, akéh anak truna utamannyané okan Raja sané seneng sareng putri Mandalika. Makasami meled mangda prasida masikian sareng ida. Riantukan kalintang sungsut, putri nglaksanayang samadi. Sasampun puput, makasami okan raja kapupulan. Drika Putri Mandalika ngandikayang mangda nénten akéh sané maperang sawiréh meled dados rabin Ida, Putri Mandalika jagi macebut ka tengah pasihé laut ilang nénten wénten sané prasida ngrereh sawannyané. Riantukan mitos punika, ngantos mangkin Wong Sasak ring Pulo Lombok nglaksanayang Festival Pesona Bau Nyale nyabran warsa. [5]
Sané pinih rihin kaloktah saking wewidangan Mandalika inggih punika Pasih Kuta magenah ring sisi kauh Mandalika. Wastannyané ketah kapatehang sareng Pasih Kuta Bali. Pasih Kuta ring Lombok kantun kedas tur durung akéh jadma sané malancaran mrika. Genahnyané nampek sareng Masjid Agung Nurul Bilad sané anyar sané karesmiang olih présidén Jokowi. Ring warsa 2020, Pasih Kuta taler kadadosang sirkuit MotoGP.
- ↑ Dariyanto, Erwin. "Politikus Demokrat Kritik Klaim Jokowi soal Mandalika". detiknews.
- ↑ "Mandalika". kek.go.id.
- ↑ "Moto GP Mandalika, Jalan Bypass Dari Bandara Lombok-KEK Dibangun | Ekonomi". Bisnis.com.
- ↑ Indonésia.go.id, Redaksi. "The Mandalika yang Mendunia". Indonésia.go.id. Kaarsipin saking versi asli tanggal 2020-09-23. Kaaksés 2020-12-11.
- ↑ Travel Kompas: Dari Manakah Nama Mandalika untuk Kawasan Ekonomi Khusus Diambil, diakses 22 November 2019