Lynx barak (Lynx rufus), taler kasengguh Bobcat, inggih punika silih tunggil saking papat spésiés sané kantun idup ring méong liar maukuran sedeng saking génusLynx. Maasal saking Amérika Kalér, sawatara saking Kanada pahan kelod ngantos makéhan Amérika Serikat nganti Oaxaca ring Méksiko. Lynx niki ngeranjing Kantun Lestari ring Lis Barak IUCN saking warsa 2002, santukan pasebaran ipun sané jimbar lan populasiné sané ageng. Yadiastun sampun kaboros jimbar becik kaanggén olahraga saha karereh buluné, populasinya yukti tegteg, yadiastun tedun ring makudang wawengkon.[1]
Ipun ngelah garis-garis selem sané khas ring batis maluné lan ikuh sané mamuncuk selem, mokoh (utawi "gelung"), sané dados asal usul aranné. Lantang totalné (ring sajeroning ikuh) ngantos 125 cm (50 in). Ipun prédator sané gelis maadaptasi tur nongosin wawengkon wana, semi-gurun, sisin kota, sisin wana, tur rawa. Ipun kantun magenah ring wawengkon jelajah sujatiné, sakéwanten populasiné rentan majeng koyoté lan buron ubuhan. Yadiastun lynx langkung demen kelinci, ipun ngamangsa gumantat-gumintit, ayam, angsa tur paksi liyanan, buron pangerat alit, lan menjangan. Pamilihan mangsa mawit ring genah saha habitat, masan, tur kalimpahan. Sekadi makéhan méong, lynx madué wawengkon tur makéhan ngarahh, yadiastun wénten makudang wawengkon jelajah sané tumpang tindih. Ipun nganggén makudang metode antuk ngacihnain wates wawidangan ipun, rumasuk lad regésan utawi lad encehan saha tai. Lynx ngamanakang saking masa dingin ngantos musim semi tur ngelah masa beling sawatara kalih sasih. Kalih subspésiés kauningib: asiki sikangin Dataran Ageng, lan liyané sikauh Dataran Ageng. Paindikan niki kaenahang ring makudang satua krama adat ring Amérika Kalér lan Tengah, saha ring satua krama panjak Amérika warih Éropa.
