Lidah buaya

Saking Wikipédia
Loncat ke navigasi Loncat ke pencarian
Punyan Lidah Buaya

Lidah buaya inggih punika pepunyan sané tumbuh atiban cepok, tegehnyané kirang-langkung 30-50 cm. Pepunyan puniki biasanyané tumbuh ring tanah sané tuh. Lidah buaya wentuk carangnyané bunter nénten metaru lan warnin ipun putih. Donnyané masikian samian pateh, muncuknyané lanying, pangkal carangnyané puntul, sisinyané magigi kirang-langkung lantangnyané 30-50 cm, jimbarnyané 3-5 cm, maisi tebel, magetah kuning tur gadang. Punyan lidah buaya puniki sekarnyané maakehan, wentuknyané malai ring muncuk carangnyané, panyengker don lidah buaya punika lantangnyané 8-15 mm, benang sarinnyané wénten nenem, muncuk sarine cenik, payasan sekar lidah buaya lantangnyané dua tengah ngantos telu tengah cm. Punyan lidah buaya puniki madué buah sané wentuknyané kotak, langtang kirang-langkung 14-22 cm, batunyané cenik dados mawarni selem. Akah ring punyan puniki mesrabutan warnin ipun kuning. Kawigunan lidah buaya inggih punika dados kaanggén ubad bebasangan lan penyubur bok.[1]

Pustaka[uah | uah wit]

  1. Departemen Kesehatan Republik Indonesia. Inventaris Tanaman Obat Indonesia Jilid I. Jakarta, 2000..