Latok

Latok utawi latoh madué wastan saintifik Caulerpa lentillifera inggih punika soroh bulung saking soroh Caulerpa sané lembut. Bulung puniki makéh kapiara ring pasisi pasih pulo Filipina miwah Bornéo ring Asia Tenggara miwah wewidangan pulo Okinawa Jepang. Latok wantah silih tunggil ajengan tradisional ring Sabah. Ajengan puniki ketah miwah kademenin olih krama Bajau, sakadi Bajau Laut ring Sabah sané makéhan meneng ring pasisi pasih Semporna, Sabah. Ajengan puniki ketahnyané kaajeng matah manten utawi kacampur sareng bawang, tabia miwah yéh lémo. Latok taler ketah kaajeng sareng nasi miwah ulam panggang sakadi ulam Yu miwah sané lianan.