Lao Duang Duan
Lao Duang Duan utawi Lao Duang Duen inggih punika silih sinunggil gendingan tradisional Thailand sane sampun mayusa 1 abad malih. Gendingan puniki kakaryanin ring warsa 1923 olih Pangeran Benbadhanabongse, okan Raja Rama V ring negari Siam (Thailand).[1] Gendingan puniki wantah kasub ring jagat Thailand miwah Laos lan Kamboja.
Pangeran Benbadhanabongse demen pisan tekening musik tradisional. Ipun mrasidayang ngangge makudang-kudang piranti musik, tur ngawentuk grup musik "Band Pangeran Ben" sane fokus ring musik-musik lan gegendingan Siam (Thailand). Sesampuné malajah ring Inggris, ipun ngrauhin Chiang Mai, daerah sané magenah ring Thailand kaja. Ring Chiang Mai, ipun matemu sareng putri Chiang Mai, mawasta Chomchuen, oka istri saking Pangeran Sambandhavongse Dharmalanka lan Putri Ghamyon. Sesampun punika, ipun makakalih matunangan. Pangeran Benbadhanabongse nunas ijin antuk ngidih Putri Chomchuen, nanging Pangeran Sambandhavongse pinaka ajin sang putri tan cumpu.
Krana sakit hati, Pangeran Benbadhanabongse ngawit ngaryanin tembang "Lao Duang Duan" anggen ngenehang sang putri Chiang Mai punika. Ipun setata ngendingan lagu punika sabilang kangen tekening sang putri.[2]
"Lao Duang Duan" maarti "Lawat I Bulan", mapralambang tresna Pangeran Benbadhanabongse sane tan kacumponin. Melodi utawi lirik gendingan puniki yukti-yukti nguningayang manah sang pangeran.
Oh, adi.. bulan sane tresnaing tiang
Tiang rauh puniki, ngorahang tiang tresna adi
Sampun wengi pisan jani,
Tiang patut ngorahang pamit dumun
Nanging tiang terus inget ken adi
Tiang tresna ken adi
Punika wantah galang ngorahang pamit, adi sane tresnain tiang
Tiang tresna sajan teken adi
Ngrereh anak ring dija-dija, nenten wenten care adi.
Harum serbuk sarine, saking bunga-bungane
Pateh sekadi harum adine
Harum adine ten ilang-ilang
Tiang masih nempel teken harum adine
Oh, adi.. bulan sane tresnaing tiang
- ↑ wiki-gateway.eudic.net https://wiki-gateway.eudic.net/wikipedia_en/Benbadhanabongse.html. Kaaksés 2024-08-18. Missing or empty
|title=(help) - ↑ "Lao Duang Duan – David Patterson & Duangpon Pongphasuk – Guitarist.com" (ring Inggris). Kaaksés 2024-08-18.