Kuil Itsukushima

Saking Wikipédia
Loncat ke navigasi Loncat ke pencarian


Kuil Itsukushima

Kuil Itsukushima (aksara Bali: kuwil·​ᵒitsukuśima) inggih punika kuil Shinto sané magenah ring Pulau Itsukushima (Pulau Miyajima), Hatsukaichi, Prefektur Hiroshima, Jepang.[1] Kuil puniki kaadegang langkungan saking 1.400 warsa sané sampun lintang. Kuil itsukushima dados silih tunggil situs paninggalan budaya Situs Warisan Dunia UNESCO saking warsa 1996. Sarana miwah pusaka sané wénten ring wawengkon kuil punika sakadi sutra Heike Nōkyō, kadadosang Pusaka Nasional Jepang. Sutra Heike Nōkyō sané kadruwénin olih kuil Itsukushima punika hadiah sané kaicénin saking iklan Taira ring warsa 1164. Ring galah sané sampun lintang, Pulo Itsukushima dados pulo suci. Nika mawinan wangunan kuil punika kaadegang ring Teluk Itsukushima sané marupa wangunan dermaga.

Wangunan Torii mawarna orin punika kacingakin ngambang ring tengah pasih, nika kadadosang cihna saking kuil Itsukushima. Kuil puniki dados silih tunggil tetujon pariwisata sané pinih kasub ring Jepang. Torii punika ngambang, nanging prasida katuju nganggén cokor ri tatkala yéhnyané surut. Ritatkala yéh pasih unika surut, pasih ring wawengkon wangunan Torii dados genah kasub antuk ngrereh kerang sané prasida kaajeng. Ring wenginyané, wangunan kuil miwah Torii punika wénten lampu kelip-kelip sané kapasang ring wawengkon pasih irika. Ring wangunan Torii punika para tamiuné prasida nyingakin Gunung Misen, ring wangunan punika taler wénten panggung babalihan.

Lelintihan[uah | uah wit]

Kuil sané kapertama kawangun ring abad ka-6, wangunan kuil sané wénten ring galah puniki sampun wénten ring warsa 1168. Kuil punika pertama kawangun nganggén dana pembangunan saking pamimpin militer Jepang sané Taira no Kiyomori. Kuil Itsukushima salanturnyané dados genah pamujaan olih klan Heike. Kuil Itsukushima kabecikang saking galah Heian, nanging wangunan punika kabecikang akéh olih Mōri Motonari sasampun ngaonang Sue Harukata ring Pertempuran Itsukushima warsa 1555. Ring galah sadurungnyané, pulo Itsukushima dados pulo terlarang olih anak wiasa. Kuil kawangun ring ajeng pasih ring teluk pulo Itsukushima mangda anak wiasa nénten prasida ka pulo punika. Manut saking catetan lelintihan, orang wiasa sané jagi sembahyang patut rauh ka pulo punika nganggén jukung tur ngranjing ring kuil saking kori sané marupa wangunan Torii. Wangunan Torii ring kuil Itsukushima sampun wénten ring warsa 1168, nanging alasnyané kabenamang ka tengah tanahé. Torii kaadegang nganggén bobot wangunan sané tegehnyané 16 méter. Kuil Itsukushima kajaga kasuciannyané, nika mawinan kuil nénten narima catetan kamatian miwah pawiwahan ngantos warsa 1878. Sétra dados upakara sané nénten kadadosang ring Pulo Itsukushima.

Karuntuhan[uah | uah wit]

Kuil Itsukushima ketah usak krana angin topan, nanging yéning nénten becik, kuil punika kabecikang malih. Kuil punika naenin usak ring:

  • Warsa 1991: Panggung Noh runtuh krana angin topan
  • Warsa 1999: Jinja miwah shaden akéh sané usak
  • Tanggal 5 Septémber 2004: Pahan wangunan sané mawasta sagakubō miwah pahan atap uug sané mawinan kuil punika katutup makudang-kudang galah.

Pustaka[uah | uah wit]

  1. "Indahnya Warisan Budaya Dunia "Kuil Itsukushima" di Pulau Miyajima, Hiroshima". Liburan ke Jepang (ring Inggris). Kaakses 2020-11-27.