Krupuk Be Celeng

Be Celeng inggih punika silih tinunggil sanganan sane malakar uli celeng utawi bawi. Krupuk yaning selehang artosnyane manut ring KBBI utawi Kamus Besar Bahasa Indonesia inggih punika sanganan sane kaolah antuk adonan tepung, kacampur antuk lumatang udang, utawi ulam laut, lianan ring punika kasayat tipis-tipis utawi kawentuk alat cetak, kajemuh mangdane dangan antuk ngoreng. Artose punika wantah artos Kerupuk manut ring kawentenan umum, nanging Kerupuk Be Celeng malakar antuk celeng tur pinaka sanganan tan abot ring Bali.

Ceciren

Krupuk Celeng puniki kasenengin olih janane ring Bali anggen ngimbuhin ajengan lianan, menawi; lawar, kuah ares, oret, miwah sane tiyosan. Caciren Krupuk Be Celeng puniki, inggih punika;

1. Kaolah antuk lakar dasar celeng utawi bawi
2. Kering
3. Pakeh
4. Mawarna soklat
5. Ngeritik

Rahina Napi Kramane Akeh Ngajeng Krupuk Be Celeng?

Krama Baline katah sampun uning indik Krupuk Be Celeng, riantukan sampun pinaka sanganan rikalaning ngajeng ajengan, Krupuk Be Celeng puniki sampun manados sanganan kaanggen ngimbuhang rikalaning miyunan. Krupuk Be Celeng puniki identik ring rahina Galungan, Kuningan utawi rahina suci HIndu Bali sane lianan, riantukan ring rahina-rahina punika jadmane sida mapupul sareng kulawarga tur ngajeng sinarengan.