Krajan Selaparang
Kerajaan Selaparang inggih punika silih tunggil kerajaan sane pernah wenten ring Pulo Lombok. Pusat kerajaan puniki daweg masa dumunan wenten ring Selaparang (sering taler kaucap antuk Seleparang), sane mangkin kirang langkung wenten ring desa Selaparang, kecamatan Suwela, Kabupaten Lombok Timur, Nusa Tenggara Barat, Indonesia.
Kerajaan puniki akidik sida kauningang ri sajeroning kawentenan babadnyane, utamanyane ri sajeroning pangadegang kerajaan puniki. Sakewala wenten akidik sumber objektif sane sida kapercaya. Silih tunggilnyane indik kisah sane kacatat ring Lontar sane maosang yening kawentenan Kerajaan Selaparang nenten sida kalepasang saking babdad ngranjing lan panyebaran agama Islam di Pulo Lombok. [1]
Pangadegang Selaparang
Kabaosang ring Lontar, kawentenan agama Islam sane kapartama kasebarang olih silih tunggil muballigh saking kota Bagdad, Iraq, mawasta AsySyaikh As-Sayyid Nūrurrasyīd Ibnu Hajar al-Haytami. Krama Lombok antuk turun-temurun ketah ri sajeroning aran Ghaus 'Abdurrazzāq. Anake inucap sane lianan ring maka panyebar agama Islam, kapercaya taler menurunang Sulthan saking kerajaan-kerajaan sane wenten ring Pulo Lombok[2]. Lianan ring nika, Betara Tunggul Nala (Nala Segara) kayakini taler maka leluhur Sulthan-Sulthan di Pulo Lombok.
Betara Nala madue silih tunggil putra sane mawasta Deneq Mas Putra Pengendeng Segara Katon Rambitan sane maduwe aran asli Sayyid 'Abdrurrahman. Ida kakenal taler antuk Wali Nyatok, silih tunggil muballigh lan Wali Allah. Kruna "Nyatoq" kaartosang Nyata, ida kabaosang maka pangadeg Kerajaan Kayangan sane maka cikal bakal Kerajaan Selaparang. sakewala, santukan kawikanan ilmu tarekatnyane (thariqah), dadosnyane ida mamilih antuk mapamit saking panggung Kerajaan Kayangan lan manetap ring desa Rambitan, Lombok Tengah, pinaka penyebar agama Islam ring wawidangan punika[3]. Wali Nyatoq kakenal taler ring Lombok antuk aran Datu Pangeran Djajing Sorga antuk manyebarang agama Islam. Ida mangarang kitab Jatiswara, Prembonan, Lampanan Wayang, Tashawwuf lan Fiqh. Ri sajeroning menyebarang agama Islam, silih tunggil piranti sane kaangge inggih punika Wayang, kadi sane kamargiang olih Sunan Kalijaga. Wenten taler wentuk mistik Islam sane kabakta maka kombinasi (sinkretisme) antara mistisme Islam (Sufisme) antuk silih tunggil ajaran filsafat Hindu, Inggih punika Advaita Vedanta.[4]
Mawali ring Kerajaan Selaparang lan Ghaus 'Abdurrazzāq. Nenten kauningang antuk pastinyane ida rauh ring Pulo Lombok. Sakewanten wenten sane maosang yening ida rauh ring pulo Lombok antuk kapertamanyane kirang langkung warsa 600-an Hijriyah utawi abad kaping-13 Masehi (kirang langkung warsa 1201 kantos 1300 Masehi). Ghaus 'Abdurrazzāq tedun ring Lombok Utara sane ketah akuningang antuk Bayan. Ida taler meneng lan berda'wah irika. Ida salanturnyane ngamargiang pawiwahan lan embas okan idane tatiga, inggih punika ya'ni Sayyid Umar, sane maka datu Kerajaan Pujut, Sayyid Amir, sane maka datu Kerajaan Pejanggik, lan Syarifah Qomariah utawi sane ketah kabaos Dewi Anjani.[5]
salanturnyane Ghaus 'Abdurrazzāq malih mapawiwahan sareng putri saking Kerajaan Sasak sane maputra kakalih, inggih punika Sayyid Zulqarnain (kakenal taler antuk Syaikh 'Abdurrahman) utawi kakenal antuk Ghaos 'Abdurrahman, lan putri mawasta Syarifah Lathifah sane kajulukin antuk Denda Rabi'ah. Sayyid Zulqarnain puniki sane ngadegang Kerajaan Selaparang taler maka Datu (raja) sane kapertama antuk gelar Datu Selaparang utawi Sulthan Rinjani.[6]
Kantos mangkin wenten kalih versi, inggih punika antara Nala Segara (Betara Tunggul Nala) lan Ghaus 'Abdurrazzāq sane pateh kapercaya maka panyebar agama Islam, dados cikal bakal Sulthan-Sulthan Lombok lan pangadeg Kerajaan Selaparang.
- ↑ wulandari, narastri; Sugihantoro, Hajar; inayatilah, fidiah rizkiah; Dwi atmaja, Ria ramadhani; eka budiastutie, Meralda nindyasti; Wardhani, Widya kusuma (2020-06-01). "GAMBARAN PENGGUNAAN GALAKTAGOG (OBAT KIMIA DAN HERBAL) PADA IBU MENYUSUI DI KOTA MALANG". Pharmaceutical Journal of Indonesia. 005 (02): 85–90. doi:10.21776/ub.pji.2020.005.02.3. ISSN 2461-114X.
- ↑ Sujai, Ahmad (2023-07-26). "CULTURAL DA'WAH TUAN GURU KYAI HAJI. MUHAMMAD ZAINUDDIN ABDUL MADJID (CONCEPT, MANAGEMENT AND IMPLEMENTATION IN NAHDLATUL WATHAN ORGANIZATION IN LOMBOK, NTB)". Jurnal Syntax Transformation. 4 (10). doi:10.46799/jst.v4i10.790 Check
|doi=value (help). ISSN 2721-2769. - ↑ Sulhaini,, Sulhaini,; Rusdan, Rusdan; Sulaimiah, Sulaimiah; Dayani, Rahman (2022-06-24). "Analysing K-Beauty Brands from the Consumer–Brand Relationship Perspective". International Research Journal of Business Studies. 15 (1): 39–52. doi:10.21632/irjbs.15.1.39-52. ISSN 2089-6271.CS1 maint: extra punctuation (link)
- ↑ Sulhaini, Sulhaini; Dayani, Rahman; Sulaimiah, Sulaimiah; Rusdan, Rusdan (2018-08-09). "Consumer Global Orientation and Its Impact on Consumers' Positive Emotions". International Research Journal of Business Studies. 11 (2): 81–92. doi:10.21632/irjbs.11.2.81-92. ISSN 2089-6271.
- ↑ husni, ibrahim. husni ibrahim.
- ↑ Widjil Pangarsa, Galih (1992). "Les mosquées de Lombok, évolution architecturale et diffusion de l'islam". Archipel. 44 (1): 75–93. doi:10.3406/arch.1992.2852. ISSN 0044-8613.