Kepiting Soka
Kepiting Soka inggih punika wantah silih sinunggil soroh yuyu sane wenten ring wewengkon sane tropis, inggih punika sakadi ring wana prapat. Yening rerehang malih, yuyune puniki mawit saking kepiting bakau sane sampun makiles utawi ngentosang kulit.[1] Yuyune puniki maduwe angga sane lembek, kulitnyane puniki kari muda, punika sane ngawinang sakdi punika.
Ngupapira Kepiting Soka[uah | uah wit]
Yuyu soka sane mawit saking yuyu prapat sane sampun makiles antuk kulit sane anyar puniki prasida maurip ring piranti konvensional sakadi piranti kandang, tambak, miwah kalebang ring pasihe. Yening ring kandang, wenten punika tetikasipun. Kandang sane kaanggen patut maduwe petekan ngamanutin antuk kawigunanyane. Wenten sane marupa Kandang Apung sane maduwe petekan 4x6 m2, Sangkar Massal mapetek 1x0,6x1m3 miwah Kolam Moulting inggih punika petekane wantah1x2x1,2m3. Salanturnyane wantah tetadahan burone puniki. Napi sane dados kawehang wantah ikan rucah utawi be sane tiosan makehnyane kalih wehan, rikala semeng miwah ring sandene. Punika ngalantur antuk makehnyane wantah 20 kg.[2]
Selanturnyane wantah ngupapira yuyune mangda sida becik kawentenannyane. Yuyune sane wenten ring kandang mangda sida kauratiang tadahannyane, riantukan yuyu soka punika prasida nadah sesamennyane. Yening sakadi punika, pastika pacang kedik dadosnyane riantukan sampun telas yuyune saling tadah. Selanturnyane yuyu prapat sane sampun makiles sumangdane sigra katelebin antuk toya. santukan yening nenten sakadi asapunika, yuyune pacang ngatosang malih kulitnyane tur kirang gunane. Yening sampun sami makules, yuyu sokane prasida ajeng tur kaadol ring soang-soang pasar.
Pustaka[uah | uah wit]
- ↑ Kotimah, Ria Khusnul, dkk. "Analisis Usaha Budidaya Kepiting Soka (Sylla serata) di Kabupaten Pemalang Jawa Tengah". Kaaksés 12 Maret 2023.
- ↑ Suswanto, Iman, dkk. "Budidaya Kepiting Soka dengan Metode Sangkar Massal". Kaaksés 12 Maret 2023.