Kebo-Keboan
Tradisi Kebo-Keboan inggih punika tradisi sané katami rauh mangkin olih krama Suku Osing ring Kabupatén Banyuwangi. Kebo-keboan wit saking kruna "kebo" sané mateges "kerbau" sajeroning basa Indonesia. Punika mawinan manut sakadi wastané, tradisi kebo-keboan kalaksanayang olih parajanané irika antuk mapayas nyuti rupa kadi kebo. [1]Tradisi punika kalaksanayang, matetujon nguncarang rasa angayubagia majeng ring Hyang Parama Kawi duaning sampun kapaica pala sané mupu ring carik. Tiosan ring punika, tradisi kebo-keboan taler kalaksanayang matetujon ngaptiang mangda polih tanah sané becik saha nénten wénten kapialang hama rikala matetanduran.
Tradisi kebo-keboan puniki kamargiang nganutin tata-titi sané sampun katami, inggih punika minakadi ring Desa Alasmalang, wénten tigang dudonan.
- Sané kapertama, makudang-kudang krama kapayasin marupa kebo, antuk awakné kawarnain sarwa ireng (selem), saha nganggén tanduk miwah kuping-kupingan kebo. Raris wénten sarana sané kanggé minakadi roras tumpeng, sarwa ulam, jenang sengkolo, miwah pitung porsi jenang suro. [2]Tumpeng punika raris kaajeng sareng-sareng sajeroning pamarginé ngitehin désa.
- Sané kaping kalih inggih punika ngarak 30 krama sané nyuti rupa dados kebo, ngitehin papat desa sané kamanggalain antuk kelihan adat. Ring ungkur arak-arakan kramané wénten keréta san
- Dudonan sané kaping untat inggih punika matetanduran entik padi antuk krama sane kapayasin kadi kebo punika.
Pamargin tradisi kebo-keboan ring Desa Aliyan, taler matiosan, minakadi ring sor puniki.
- Kakawitin antuk nyiagayang umbul-umbul ring wewidangan margi desa.
- Makarya kubangan sané genahné kaanutang ring genah sané jagi kanggén ngarak krama sané kapayasin marupa kebo punika. Kubangan nyinahang artos genah padi sané muponin baas.
- Makarya gunungan asil gumi. Gunungan punika madaging wohwohan miwah sarwa pala tiosan pinaka cihna kasukertan.
- Ider gumi, inggih punika ngarak krama sané marupa kebos punika ngiderin utawi ngitehin desa.
- Pamuput. Dudonan puniki kawastanin ngurit[3], inggih punika sang sané madué amongan manados Dewi Sri ngicenin entik padi majeng kelihan adat. Raris, kelihan adat ngicen entik punika mangda katandur antuk para petaniné.
- ↑ "Upacara Adat Jawa Timur, Ini Sejarah dan Ritual Upacara Kebo-keboan - Bobo". bobo.grid.id (ring Indonesia). Kaaksés 2023-03-09.
- ↑ Media, Kompas Cyber (2022-03-01). "Upacara Adat Kebo-keboan Banyuwangi: Sejarah, Tujuan, dan Pelaksanaannya Halaman all". KOMPAS.com (ring Indonesia). Kaaksés 2023-03-09.
- ↑ "Kebo-keboan, Upacara Tradisi di Banyuwangi untuk Menghalau Wabah Penyakit". merdeka.com (ring Inggris). 2020-03-20. Kaaksés 2023-03-09.