Kayehan

Saking Wikipédia
Kayehan

Kayehan inggih punika genah masiram sané kaanggén olih para krama Baliné ring aab dumunan sadurung madué genah masiram ring paumahan, puri utawi gria soang-soang. Kayehan punika kakaryanin mangda para kramané prasida masiram ring genah sané becikan ring genah-genah sakadi telabah miwah tukad. Kayehan pinaka genah masiram umum sané kakaryanin antuk ngambil toya telabah tur marupa pancuran sané mawit saking tiying utawi bungbung mangda toyané prasida membah saking arah sané becik tur tratur.

Mangkin sampun sayan arang anaké sané manjus ring kayehan. Napi malih ring wewidangan kota sampun nénten wénten kapanggihin kayehan. Ring désa-dêsa kantun wénten kayéhan sané kanggén genah masiram ri kala toya PDAM nyat. Genah masiram anak lanang miwah anak istri ring kayéhan kapasahang.

Yéning dumun ring Buléléng kayehan nénten ja wantah genah manusa kémanten sané masiram sakéwanten wénten taler kayehan jaran punika khusus sané kaanggén mandusang jaran, kayehan sampi kaanggén mandusang sampi.

Pustaka[uah | uah wit]