Karang Memadu
Karang Memadu pinaka karang genah nyeneng anak kasepekang mawinan memadu, utawi medué rabi langkung saking asiki. Karang punika kauningin antuk jatma leteh, entikan ring irika pateh kanikayang pateh leteh nyané, asapunika hasil saking karang punika nénten kadadosang haturan banten. Dresta kuna punika kamargiang ring Désa Pakraman Panglipuran sané kasub antuk karesikan désa ipun.[1]
Désa Penglipuran puniki manados pinih asiki sané medué karang antuk sang kasepekang mawinan memadu, sujatiné akéh désa pakraman sané medué awig-awig ”monogami", menawi sang kasepekang wénten sané nénten kaayahin, wénten sané kakutang saking désa utawi nénten kanikayang nyeneng ring désa. Nénten sekadi Désa Penglipuran sané nikain magingsir ring karang leteh taler nénten polih ayahan.
Karang Memadu jimbar ipun kirang langkung 921 méter. Karang puniki magenah ring tanggun désa antuk tembok tegeh sareng margi nyané alit. Karang Memadu kanikayang karang sané. Para kramané nénten kadadosang ngambil hasil gumi irika antuk haturan sekadi biu miwah sekar.[1]
Awig-awig sané ngatur pidanda mamadu kadagingin ring Awig-awig Désa Pakraman Penglipuran pinanggal 19 Agustus 1989.[1]
| “ | Krama Désa Adat Penglipuran tan kadadosang madué istri langkung ring asiki, yéning wénten warga désa adat lanang/ wadon ngemaduang, keni pidanda manut ring dresta. | ” |
| — Awig-awig Désa Pakraman Penglipuran, Sat Sargah, Palet 1, indik Pawiwahan. | ||
Awig-awig Penglipuran sané medaging 8 sargah, 69 paos. Paos 39 nikayang siré sané nénten dados ngeranjing ring pura:
| “ | Paos 39
|
” |
| — Awig-awig Désa Pakraman Penglipuran, Sat Sagrah, Paos 39 indik Tan Kalugra Ngaranjing ring Pura | ||
Paos 39 nikayang punika kalih jatma sané upacara pawiwahan ipun nénten kadadosang ngerajing ring area pura, patut sareng awig-awig Karang Memadu. Pinaka wénten pasangan memadu sané durung mawiwaha, tiosan nyeneng ring Karang Memadu, dané nénten kadadosang ngeranjing ring pura, mawinan dané durung mawiwaha resmi.[2]