Kanton Bern

Kanton Bern utawi Berne (Jerman: Kanton Bern; basa Romansh: Chantun Berna; Prancis: canton de Berne; Italia: Canton Berna) inggih punika silih sinunggil saking 26 kanton sané ngadegang Konfédérasi Swiss. Maibu kota ring Bern, taler pinaka ibu kota de facto Swiss. Beruang punika simbol heraldik kanton, kenahang sareng latar ungkur bang-kuning.

Madaging dasa distrik, Bern punika kanton pinih ageng kaping kalih manut jimbar wawidangan lan akéh panjakné. Magenah ring kauh-tengah Swiss, kaiterin olih solas kanton. Mawatesan sareng kanton Jura lan Solothurn sikalér. Ring sikauh wénten kanton Neuchâtel, Fribourg, lan Vaud. Ring sisi kelod magenah kanton Valais. Ring sisi kangin kanton Bern magenah kanton Uri, Nidwalden, Obwalden, Luzern lan Aargau.