Ikan Bakar Manokwari
Ikan Bakar Manokwari inggih punika silih tunggil ajengan khas saking Manokwari, Papua. Irika ketah ajeng ikan bakar manokwari duaning genahé punika ring sisin segarané. Indiké punika mawinan Manokwari kaloktah mapaiketan ri sajeroning saluir budaya utawi pangupajiwané saking segara. Ikan bakar manokmari rasa basannyané matiosan duaning madaging sambel khas sané wantah sida kapanggihin ring Papua. Ngaryanang ikan bakar manokwari kaloktah sajeroning basa sané kanggén nyiam ulam punika. Sambelné matah kacakcak kasar saha madué rasa lalah sané tawah. [1] Ikan bakar manokwari nénten nganggé bumbu kecap. Ikan bakar manokwari nginggilang rasa sambel matahné sané nyangluh, napimalih katimpalin sareng nasi anget-anget, don kemangi, wewehin antuk es juuk. Pastika kramané sané nyicipin punika pacang nagih malih ngrereh ikan bakar manokwari. Ikan bakar manokwari taler sampun sayaga ring makudang-kudang warung ajengan sané wénten ring manokwari, Papua. Pastika wisatawan sané malancaran ka manokwari nénten jangkep rasané yéning nénten nyicipin ikan bakar manokwari. Nganinin indik pangarga pastika nénten dahat mael duaning makasami bahan sané kanggé wit saking bahan lokal drika, inggihan punika saking ulamné, tabiané, miwah santiosan. Tiosan ring rasané sané pinih jaen, ikan bakar manokwari taler becik pisan majeng kakénakan padéwékan soang-soang, duaning punika akéh kandungan proteinné. Punika mawinan rikala numbas ikan bakar manokwari, pastika nénten pocol.
Bahan-bahan sané kanggén ngaryanang ikan bakar manokwari inggih punika
- Aukud ulam tongkol
- Abulih juuk nipis
- Tasik (uyah)
- Wangen
Bahan-bahan sané kanggén ngaryanang sambelné inggih punika
- Dasa katih tabia barak
- Pitung bungkul bawang
- Gula pasir
- Tasik (uyah)[2]
- Umbah bé tongkolé kanti kedas, campuhin yéh peresan juuk nipis, uyah, lan wangén. Aduk kanti rata, lantas depang sawetara limolas (15) menit.
- Sambil ngantiang kanti limolas menit, siagayang adeng saha baha api cenik.
- Tambus béné, utsahayang rikala nambus mangda setata sayaga, nenten ninggalin mangda nénten puun budang-badingang. Tambus kanti lebeng makakalih sisinné.
- Ulig bahan ané anggo ngaé sambelné.
- Siagayang bé ané suba matambus ento di duur piringé ané matatakan aji don biu lan duurné jangin utawi siam aji sambel ané suba maulig. [3]
- ↑ "Ikan Bakar Manokwari Tempat Wisata Kuliner Unik Khas Papua - Kuliner Papua". ksmtour.com (ring Indonesia). Kaaksés 2023-03-12.
- ↑ "Ikan Bakar Manokwari » Budaya Indonesia". budaya-indonesia.org. Kaaksés 2023-03-12.
- ↑ Liputan6.com (2019-05-27). "Resep Ikan Bakar Manokwari, Sajian Lezat dari Bumi Papua". liputan6.com (ring Indonesia). Kaaksés 2023-03-12.