Gunung Pohen
Gunung Pohen inggih punika silih tunggil gunung sané magenah ring Kabupatén Tabanan, Bali, Indonésia. Puncak Gunung Pohen magenah ring 2.069 mdpl tur jimbarnyané 388,2 héktaré. Wewengkon Gunung Pohen katetapang dados pahan saking Cagar Alam Batukahu olih Direktur Jenderal Kehutanan Indonésia manut saking Surat keputusan sané katerbitang ring tanggal 3 Désémber 1979. Gunung Pohen madué wewengkon alas sané katumbuhin olih makudang soroh tetaneman saking punya ngantos baus. Wewengkon alas Gunung Pohen kadadosang pinaka genah perlindung biodiversitas.[1]
Gunung Pohen ngadeg madampingan sareng gunung-gunung lianan ring wewengkon cagar alam, sakadi Gunung Batukaru, Sanghyang, Lesung, Tapak, miwah Adeng. Kacingak saking topografi, Gunung Pohen puniki sakadi kerucut sané tumpul. Marga ring jalur pendakian akéh wénten pepunyanan tropis khas pegunungan ring Bali. Nampek ring puncak, ngawit akéh tetaneman punya pinus, baus, miwah bet. Jalurnyané ngancan abing tur madebu, yening musim sabeh ngawinang belig pesan. Ring marga setapak ka Puncak Pohen kakawitin saking Patung Hanoman. Pepunyannané ageng tur tegeh pesan. [2]
- ↑ "5 Gunung Tertinggi di Bali yang Pemandangannya Menakjubkan". kumparan (ring Indonesia). Kaaksés 2024-04-20.
- ↑ Liputan6.com (2024-02-28). "6 Fakta Menarik Gunung Pohen di Bali yang Merupakan Cagar Alam Batukahu". liputan6.com (ring Indonesia). Kaaksés 2024-04-20.