Gunung Patuha
| Gunung Patuha | |
|---|---|
 Pabrik belerang paek Kawah Putih ring kalpa Hindia Belanda | |
| Titik pinih duur | |
| Tegeh | 2.434 m (7.986 kaki)[1] |
| Géograpi | |
  Patuha Wewidangan Gunung Patuha ring Nusa Jawa | |
| Genah | Ciwidey, Jawa Barat, Indonésia |
| Géologi | |
| Jenis gunung | Stratovolcano, Gunung api Tipe B |
Gunung Patuha inggih punika silih tunggil gunung sané magenah ring Rancabali, Ciwidey, Kabupatén Bandung, Jawa Barat. Gunung puniki madué tegeh sawatare 2.434 meter. Gunung Patuha madué kawah sané ngulangunin, inggih punika kawah putih. Kawah sané kawentuk saking letusan gunung Patuha punika madué dinding kawah miwah yeh sané mawarna putih. Gunung Patuha madué pat soroh wewengkon alas inggih punika hutan Dipterokarp Bukit, hutan Dipterokarp Atas, hutan Montane, miwah Hutan Ericaceous utawi hutan gunung.[2]
Lelintihan[uah | uah wit]
Gunung Patuha madué wastan lianan inggih punika Pak Tua, krana madué yusa sané sampun tua. Gung api tipe "B" punika muncul ka permukaan bumi ri tatkala Dataran Tinggih Bandung kantun marupa dasar samudera. Ring galah punika, roman kulit bumi kantun wénten perubahan revolusioner, pelipatan miwah pawentukan gung api. Silih tunggil proses punika inggih punika Gunung Patuha. Gunung punika muncul ring permukaan dasar samudera, sané ngawinang wénten dataran anyar sané ring galahe puniki kawastanin Ciwidey. Ciwidey punika magenah ring kaja ngantos Pangalengan ring kangin. Teras-teras gunung api punika prasida kacingak saking tengah kebun teh ring wewengkon Pangalengan.
Gunung Patuha manut saking cutetan, sampun meletus ping kalih. Letusan sané kapertama ring abad ka-10 tur ngalahin kawah ring pahan puncak ring kauh. Kawah punika tuh, nika mawinan kramane irika ngicenin wasta Kawah Saat. Ring basa Sunda maartos tuh. Sasampun punika gunung Patuha nenten malih maletus ngantos makudang-kudang galah. Letusan sané kaping kalih ring abad ka-13, tur ngawetuang kawah kaping kalih sané ngulangunin. Yehnyane prasida mauwah warnannyane, masaih sareng Danu Kelimutu. Wenten galah ri tatkala yehnyane mawarna putih, nika mawinan kawastanin Kawah Putih.
Kawah Putih[uah | uah wit]
Kawah Putih inggih punika silih tunggil danu ring Gunung Patuha sané madué suhu sawatara 8-22 derajat. Wenten kalih kawah inggih punika Kawah Saat sané magenah ring kauh miwah Kawah Putih sané magenah ring sornyane tur magenah ring tegeh 2.194. Kawah Putih sané ngulangunin punika kacunduk olih Dr. Franz Wilhelm Junghuhn sané sedek nglaksanayang perjalanan ring wewengkon Bandung Selatan ring warsa 1837. Manut saking wastannyane, tanah sané wénten ring wewengkon puniki mawarna putih krana wénten campuran datu belerang. Lianan saking punika, yeh danu ring wewengkon Kawah Putih taler madué warna putih gadang tur prasida mauwah warnannyane manut saking akeh belerang sané wénten, suhu, miwah cuaca.
Pustaka[uah | uah wit]
- ↑ "Patuha". Global Volcanism Program. Smithsonian Institution. Kaaksés 2016-10-20.
- ↑ Gunadi (Senin, 15 Agustus 2011). "Seputaran Bandung: Patuha, Gunung Paling Tua?". Seputaran Bandung. Kaaksés 2021-04-10. Check date values in:
|date=(help)