Golden Retriever
Golden Retriever utawi Retriever Mas inggih punika silih tunggil sarwa ras buron cicing retriever Skotlandia maukuran sedeng. Sekadi watek soroh retriever, warih puniki ketahné mawatek kalem miwah nuut, aluh kaajahin, ajér tur seneng maplalianan sareng sang ngamiara, cecirén utamané bulu mawarna mas. Soroh cicing puniki katah ring wimbakara cicing krana aluh kaajahin tur nuutin; punika taler kaanggén cicing paboros, tur prasida kaajahin dados cicing pamandu.