Gerhana Matahari
|
| Gerhana Matahari total, ri kala bulan nutupin makasami matan aine, sekadi ring gambar gerhana matahari 1999 puniki. Tonjolan matahari terlihat di tepi matahari (berwarna merah) dan korona terlihat berwarna putih. |
 
|
|
Gerhana matahari mamargi ri kala bulan magenah ring pantaraning gumi miwah matan ai sane nutup asibak utawi makasami sunaran matan aine ring langit. Gerhana matahari utawi bulan mamargi wantah ring masan gerhana kemanten. Yening selehin antuk sisi matematis, nyabran awarsa paling akidik masan gerhanane mamargi ping kalih, turmaning sida mamargi ngantos ping lima. Gerhana matahari total mamargi paling akeh ping kalih awarsa. Gerhana matahari total arang pisan kapanggihin mawinan genah bulan patut ring madyaning garis matan ai tur sang sane nyingakin patut meneng ring gumine.
Wenten petang soroh gerhana matahari, inggih punika:
- Gerhana Matahari total, ri kala bulan nutupin makasami matan aine sane ngawinan korona (sane ngrurubin matan ai tur sunarnyane nenten sakadi matan ai) prasida kacingak. Kahanan gerhana total, gerhana total wantah prasida kacingak ring wewidangan alit sane magenah ring pahan jagate.[1]
- Gerhana Matahari Cincin, inggih punika ri kala bulan magenah ring madyaning matan ai miwah gumi, nanging agengnyane alitan saking matan ai. Sayuakti, ring sisin matan ai kacingak sakadi bungkung sane galang tur ngiderin bulan sane kacingakin bunter tur peteng.
- Gerhana matahari campuhan utawi hibrida pantaraning gerhana total miwah gerhana cincin. Ring pahan jagate prasida kacingak gerhana total, nanging ring titik lianan wantah kacingak pinaka gerhana cincin. Gerhana campuhan arang pisan kawentenannyane.
- Gerhana Matahari Sebagian ri kala bulan magenah nenten ja pas ring madyaning garis matan ai miwah gumi, ngawinang wantah nutup matan aine atenga. Kahanan puniki prasida kacingak ring titik jaba margi gerhana total utawi cincin.
Gerhana miwah energi surya[uah | uah wit]
Gerhana matahari 20 Maret 2015 dados gerhana kapertama sane ngawanang efek signifikan ring sistem energi listrik. Wawidangan wanua Eropa miwah Britania Raya nganggen kirang langkung 90 gigawatt energi surya miwah produksi minab tuwun 34 gigawatt kabandingin yening cuaca cerah, sehingga penyedia listrik melakukan upaya aktif untuk menghindari kekurangan listrik.[2][3]
Cingak malih[uah | uah wit]
- Lis gerhana matahari
- Gerhana
- Gerhana bulan
- Gerhana matahari pinanggal 20 April 2023, gerhana matahari salanturnyane sane nglewatin Indonesia
Pustaka[uah | uah wit]
- ↑ Harrington, hlm. 7–8
- ↑ "Solar Eclipse 2015 – Impact Analysis" hlm. 3, 6–7, 13. European Network of Transmission System Operators for Electricity, 19 February 2015. Accessed: 4 March 2015.
- ↑ "Curve of potential power loss". Kaarsipin saking versi asli tanggal 2020-07-28. Kaaksés 2019-09-04. Unknown parameter
|dead-url=ignored (help)
Pranala jaba[uah | uah wit]
 |
Wikimédia Commons madué média indik Solar eclipse. |
- (Inggris) Jadwal dan lokasi gerhana yang akan terjadi menurut perhitungan astronomi