Geréja Ayam

Gereja Ayam
Inpormasi umum
Tipe	Rumah doa utawi gereja
Koordinat	7°36′20.5″S 110°10′49.8″E
Ngawit kawangun	kr. 1990
Puput	Nenten pragat, kabiurang ring warsa 2000

Geréja Ayam inggih punika geréja sané magenah ring Bukit Rhema, wawengkon Borobudur, Kabupatén Magelang, Jawa Tengah. Geréja ayam wantah wangunan sané mawentuk siap ring tengahing tanah tur sirahnyané wénten mahkota. Wangunan geréja ayam wénten petang tingkatan, inggih punika sané kapertama langit-langit geréja, ring irika wénten sudut kapahan ikuh miwah jendéla sané mawentuk bunga ring sisinnyané, irika taler wénten motif salib. Sané kaping kalih inggih punika baong siap, irika wénten jendela alit sané mawentuk jajar génjang sané kapasang ring baongnyané. Sané kaping tiga inggih punika paruh siap sané mawarna barak, irika dados genah antuk nyingakin pemandangan ring wawengkon geréja ayam punika. Sané kaping untat inggih punika mahkota siap, irika wénten song alit sané prasida karanjingin olih anak sané ragannyané alit. Pemandangan saking mahkota siap utawi mahkota ayam punika ngalangunin.