Gedong Bagus Oka

Saking Wikipédia
Cebur nuju navigasi Cebur nuju parerehan
Gedong Bagus Oka
Stamps of Indonesia, 060-04.jpg
EmbasNi Wayan Gedong
(1921-10-03)3 Oktober 1921
Karangasem
Seda14 Nopémber 2002(2002-11-14) (yusa 81)[1]
Daérah Khusus Ibukota Jakarta
PenghargaanParisada Hindu Dharma

Gedong Bagus Oka (embas ring Karangasem, 3 Oktober 1921 – seda ring Jakarta, 14 Nopémber 2002 ring yusa 81) inggih punika tokoh pembaruan Hindu miwah gerakan anti kekerasan ring Indonésia. Gedong Bagus Oka embas ring Karangasem, 02 Oktober 1921 tur séda ring Daérah Khusus Ibukota Jakarta, 14 Nopémber 2002. Dané madué wastan alit inggih punika Ni Wayan Gedong. Ajinnyané mawasta I Komang Layang miwah biangnyané mawasta Ni Komang Pupuh.

Pendidikan[uah | uah wit]

Gedong sareng tatiga bajang Bali kakirim ka Jawa tur malajah ring Hollandsch-Inlandsche School ring Yogyakarta. Drika, Gedong meneng salami 8 warsa ring pondok Prof. Johan Herman Bavinck sané pinaka pendeta miwah dosen Belanda sané ngajahin ring Sekolah Tinggi Theologia "Duta Wacana".

Drika Gedong malajah indik nilai-nilai rohani, etis, miwah demokrasi. Yadiastun wewidangan drika makéh sané malajah Kristen, Gedong tetep pageh ring agama Hindu. Pengenalan agama Kristen ngawinang Gedong dados pengikut Mahatma Gandhi sané pinaka tokoh Hindu saking India sané uning tekén agama Kristen.

Sasampuné wusan malajah ring SMA, Gedong ngawitin malajah ring Sekolah Tinggi Kristen tur dados guru sekolah Kristen ring Bogor. Ring warsa 1941, Gedong mawali ka Bali miwah dados guru Sekolah Lanjutan Atas ring Singaraja. Drika lantas dané kaangkat dados kepala sekolah. Ring masa perjuangan kemerdékaan Indonésia, Gedong berjuang ring genah agama ring krama Indonésia sané anyar. Ring warsa 1964, Gedong molihang gelar sarjana muda saking Universitas Udayana ring Denpasar. Dané lantas ngajahin ring Fakultas Sastra Universitas Udayana ring warsa 1965-1992.

Keluarga[uah | uah wit]

Gedong ngantén sareng I Gusti Bagoes Oka. Dané sareng rabinnyané pinaka pengikut ajah-ajahan Gandhi. Nika mawinan Gedong polih dukungan miwah dampingan rohani saking rabinnyané. Saking pawiwahannyané, Gedong Bagus Oka madué 6 oka lanang.

Pustaka[uah | uah wit]

Pranala jaba[uah | uah wit]