Gde Manik
I Gdé Manik (1914-1984) inggih punika silih tunggil seniman kasub saking Bali. Ida pinaka seniman tabuh miwah pragina kaertama saking Tari Kebyar Legong, sané kasub Tari Trunajaya panyampurna saking sesolahan Tari Kebyar Dangin Enjung karya Pan Wandres. Pustapa ida kaanggén antuk Gedung Kasenian ring Kota Singaraja[1][2]
Kauripan[uah | uah wit]
Gede Manik embas ring Jagaraga, daweg alit ida madué manah ageng ring seni karawitan, ida malajah sareng makudang seniman ring désa nyané, taler makudang seniman kasub sekadi Pan Wandres. Ketah matabuh ka dura désa, miwah kaundang olih jadma Welanda antuk nabuh miwah ngiringin pragina masolah.
Riasiki galah, Gede Manik ngenahang jati raga dados satunggil pangripta tari. Mawitin saking tari Kebyar Legong sané ketah kabatayang, ida ngusulang karya tari Kebyar Legong soroh liyanan, langkung éndép durasi nyané sakéwanten tetap ngenahang cecirén tari sané dinamis. Tari manuansa gelora taruna lan prawira puniki nénten madué parinama, wantah kaloktah dados Tari Kebyar Dangin Enjung. Sedek satunggil rahina, warsa 1950, ritatkala kasolahang ring ajeng Bung Karno miwah para tamiu ring satunggil hotel ring Denpasar, presiden sané kaloktah pangamong seni tak prasida ngengkebang rasa angob tur liang majeng sesolahan punika, sapunika énérjik antuk dukungan tatabuhan gamelan sané gegap ngabuncah. Soekarno selanturné ngicain parinama karya tari punika Tarunajaya, taruna sané digjaya.
Liyanan seni tari, ida taler sanget wikan ring ngamainang kendang, pangalaman makesenian punika prasida kabakta ngantos ka dura negara.[3]
Karya[uah | uah wit]
- Tari Palawakya (1925)
- Tari Trunajaya (1946)
- Tabuh Singa Amabara Raja
Penghargaan[uah | uah wit]
- Anugrah Seni olih Kemendikbud (17 Agustus
1969)
- Wija Kusuma olih Bupati Buléléng (30 Maret 1981)
- Dharma Kusuma olih Gubernur Bali (18 September 1981)
- Satya Lencana olih Présidén Républik Indonésia (12 Agustus 2003)
Pustaka[uah | uah wit]
- ↑ "Gede Manik". Discogs (ring Inggris). Kaaksés 2022-10-25.
- ↑ Okezone (2015-12-11). "Renovasi Gedung Kesenian Singaraja Angkat Sosok Gde Manik : Okezone Economy". Okezone.com (ring Indonesia). Kaaksés 2022-10-25.
- ↑ "I Gede Manik". Direktorat Warisan dan Diplomasi Budaya (ring Indonesia). 2015-12-18. Kaarsipin saking versi asli tanggal 2022-10-25. Kaaksés 2022-10-25.