Gambang Kromong
Gambang Kromong inggih punika kasenian musik (orkés) paduan gamelan miwah piranti musik étnis Cina, luir ipun sukong, téhyan, kongahyan. Kawastanin "Gambang Kromong" mawit saking 2 pasang piranti perkusi, gambang miwah kromong.[1]
Pinih riin kasenian Gambang Kromong puniki kabentuk olih komunitas Tionghoa sané pimpinannyané mapesengan Nie Hoe Kong (kapitan Cina masa jabatan 1736-1740) - kaangkat olih kompeni Belanda.
Asal-Usul[uah | uah wit]
Krama Betawi, krama asli ring Jakarta wantah hasil akulturasi suku-suku ring Nusantara sané saling mainteraksi. Akulturasi punika wenten ring musik, basa, parikrama, miwah sané lianan. Gambang Kromong inggih punika silih tunggil akulturasi budaya musik Betawi-Cina.
Musik Gambang Kromong akéh nglimbak ring krama Cina Bénteng. Suku Cina sané rauh ka Indonesia mawit saking kota Kanton, Fukien, miwah Ka-Eng-Tjiu miwah makta kabudayaan Cina. Logat basa Cina sané akéh kaanggé wantah logat Kuo-yu.
Krama Cina sané meneng ring Jakarta madué 2 sebutan :
- Singkhek (tamu baru), inggih punika anggon baos ring krama Cina sané kari orisinil.
- Peranakan, anggon baos ring krama Cina sané sampun mabaur miwah maakulturasi.
Bentuk kasenian sané kalakon olih krama Cina ring Jakarta kari meciri budaya Cina asli. Piranti musik sané kaanggé antuk hiburan miwah upacara wantah terompét/jutao, cecer/gembreng, genderang, canang, sukong, tehyan, kongahyan, miwah suling. Piranti puniki dados cacirén indikasi budaya Cina.
Krama Cina Bénteng nglimbangkang kaseniannyané sareng kasenian suku sané lianan ring Jakarta. Hasil panglimbakan utawi pasikian punika wantah kasenian Gambang Kromong. Musik Gambang Kromong muncul ring tahun 1880, tatkala Bek Teng Tjoe - klian kampung Tionghoa ring Pasar Senen magelarang mantuka ring para tamiu. Ring tahun 1937, orkés-orkés musik Gambang Kromong dados maju miwah kaloktah ka wawengkon sané lianan ring Indonésia.[2]
Piranti Musik[uah | uah wit]
Piranti musik kasenian Gambang Kromong inggih punika :
- Gambang
- Kromong
- Suling
- Jutao
- Kongahyan
- Tehyan
- Sukong
- Kecrek
- Ningnong
- Kendang (cenik miwah gedé)
- Kempul
- Gong
Pustaka[uah | uah wit]
- ↑ "Gambang Kromong". web.archive.org. 2010-05-09. Kaarsipin saking versi asli ring 2010-05-09. Kaaksés 2023-03-06.CS1 maint: BOT: original-url status unknown (link)
- ↑ Soekotjo, Soekotjo (2013-01-10). "MUSIK GAMBANG KROMONG DALAM MASYARAKAT BETAWI DI JAKARTA". SELONDING. 1 (1). doi:10.24821/selonding.v1i1.7. ISSN 2685-9327.