Galiléo Galiléi

Saking Wikipédia
Loncat ke navigasi Loncat ke pencarian
Galiléo Galiléi

Galiléo Galiléi inggih punika astronom, filsuf, miwah fisikawan Italia sané akéh ngwantu antuk revolusi ilmiah. Ida embas ring Pisa, Toscana tanggal 15 Februari 1564, tur padem ring Arcetri, Toscana tanggal 8 Januari 1642 ritatkala mayusa 77 warsa. Ida ngranjing ring Universitas Pisa, nanging nénten mrasidayang nglanjutang krana nénten madué jinah. Ring warsa 1589 ida dados guru matematika ring Universitas Pisa punika. Salanturnyané Ida magingsih ka Universitas Padua antuk ngajahin geometri, mekanika, taler astronomi ngantos warsa 1610. Ida kabaosang dados "bapak astronomi observasional", "bapak ilmu fisika modern", "bapak metode ilmiah", miwah "bapak ilmu pengetahuan"[1]. Ida akéh mapunia ring kaweruhan minakadi nyempurnayang téléskop, penelitian indik astronomi, taler indik hukum gerak sané kapertama tur sané kaping kalih sané mawasta dinamika. Galélio Galiléi ngedukung Copernicus indik Bumi ngitehin matan ai tur matan ai kadadosang sané pinih utami ring sistem tata suryané.

Pustaka[uah | uah wit]

  1. Weidhorn, Manfred (2005). The Person of the Millennium: The Unique Impact of Galileo on World History. iUniverse.