Fujian
Fujian[lower-alpha 1] inggih punika propinsi sané magenah ring Cina Kelod. Fujian mawates olih Zhejiang ring sisi kalér, Jiangxi ring sisi kauh, Guangdong ring sisi kelod, miwah Selat Taiwan ring sisi kangin. Ibu kotanyané inggih punika Fuzhou miwah kota préféktur sané pinih ageng manut populasi ipun inggih punika Quanzhou, sareng kota-kota sané kasub minakadi kota labuhan Xiamen miwah Zhangzhou. Fujian magenah ring pasisi kauh Selat Taiwan pinaka propinsi sané pinih nampek ring géograpis miwah budaya ring Taiwan. Pulo-pulo punika sekadi Kinmen wantah kirang langkung 10 km (6,2 mil) ring sisi kangin Xiamen ring Fujian.
Yadiastun populasinyane akéhan ngidéntifikasi pinaka Han, puniki silih sinunggil propinsi sané pinih mabinayan ring budaya lan basa ring Cina. Dialek saking sekaa basa Basa Cina Min pinih ketah kabaosang ring wewidangan propinsi, rumasuk dialek Fuzhou miwah Min Kangin saking propinsi Fujian Kalér Kangin miwah makudang-kudang dialék Min Kelod miwah Hokkien sané wenten ring Fujian sisi kelod kangin. Ibu kota Fuzhou miwah Fu'an saking préféktur Ningde kasarengin antuk Cangnan kota tingkat county préféktur Wenzhou ring propinsi Zhejiang ngawentuk wewidangan basa miwah budaya Min Dong ring Fujian Kalér Kangin. Basa Cina Hakka taler kabaosang, olih Jadma Hakka ring Fujian. Dialék Min, Hakka miwah Basa Cina Standar saling nénten karesepang. Sangkaning emigrasi, akeh panjak étnis Cina ring Taiwan, Singapura, Malaysia, Indonésia, miwah Filipina mabasa Min Kelod (utawi Hokkien).
Pikobet nganggit: Ditemukan tag <ref> untuk kelompok bernama "lower-alpha", tapi tidak ditemukan tag <references group="lower-alpha"/> yang berkaitan