Fonologi

Saking Wikipédia
Cebur nuju navigasi Cebur nuju parerehan

Fonologi inggih punika kaweruhan indik bunyi utawi suara (fonem) miwah distribusinyane. Fonologi kabaosang pinaka kaweruhan basa sané mlajahin indik bunyi basa sané kaasilang olih piranti ujar manusané.[1]. Widang sané dados fokus kajian fonologi inggih punika bunyi utawi suara sané pinaka pahan pinih alit ring ucap i manusa miwah bunyi sané kasikiang ngwangun wanda.[1]

Kruna fonologi, mawit saking rangkepan kruna fon (sané maarti bunyi) miwah logiutawi logos (sané maarti kaweruhan/ ilmu).[1] Ring basa Indonésia, istilah fonologi kabaos turunan kruna saking basa Belanda inggih punikafonologie.[2] Fonologi nlatarang indik bunyi basa sané umum miwah fungsional.[3]

Fonologi kepah dados kakalih pah-pahan inggih punika Fonetik miwah Fonemik. Fonologi malianan sareng fonetik. Fonetik wantah widang sané mlajahin indik asapunapi bunyi-bunyi fonem basa inucap kaasilang miwah kaucapang. Fonetik taler mlajahin indik asapunapi angga i manusa, utaminyane sané mapaiketan sareng sané ngasilang bunyi. Fonemik inggih punika pah-pahan fonologi sané mlajahin bunyi manut kawigunanyane pinaka sané minayang arti.

Wenten tetiga unsur ring angga ucap manusa mangda sida ngasilang bunyi miwah fonem, inggih punika:

  • udara - pinaka sané ngaterang bunyi,
  • artikulator - pinaka pah-pahan alat ucap , miwah
  • titik artikulasi (taler kabaos artikulator pasif) - pinaka pah-pahan alat ucap sané dados titik sentuh artikulator.

Referensi[uah | uah wit]

  1. 1,0 1,1 1,2 Chaer, Abdul (2009). Fonologi Bahasa Indonésia. Bandung: Rineka Cipta. p. 1.
  2. "Hasil pencarian "fonologi" ~ asalkata.com". Kaakses 24 Agustus 2014.
  3. "FONOLOGI (Sejarah Fonologi, Fonetik, Fonemik)". ResearchGate (ring Inggris). Kaakses 2021-01-22.

Bacaan terkait[uah | uah wit]

  • Chaer, Abdul (2009). Linguistik Umum. Bandung: Rineka Cipta. 979-518-587-X.