Es Waneng
Es Waneng inggih punika silih tunggil es legendaris sané wénten ring Tabanan, Bali. Es Waneng wantah es sané malakar aji santan matunu miwah kacampur sareng es maserut. Es puniki ketahnyané kaajeng sareng roti tawar.
Wastan Es Waneng mawit saking sang kreator es punika padidi sané mawasta I Nengah Waneng. Saking warsa 1938, ritatkala yusané 18 tiban ia mawit maadolan es ring pasisi margi wewidangan Tabanan. Manut resep saking I Nengah Waneng, nyuh sané kadadosang santan pinaka campuran es patut katunu dumun. Nyuh sané sampun katunu lantas kakikih dados santan. Santan punika kacampur sareng gula miwah tingkih sané sampun katunu tur kaalusang. Es puniki madué rasa sakadi rasa kacang ijo miwah coklat. Es puniki mawarna coklat krem.
Usaha Es Waneng mangkin kalanturang olih Ibu Jumartini sané pinaka oka saking I Nengah Waneng.[1]
- ↑ "Es Waneng Legendaris Khas Sejak 1938 Tabanan Bali - Wisata Usaha" (ring Indonesia). 2023-08-11. Kaaksés 2024-04-20.