Entil
Entil inggih punika silih tunggil ajengan khas saking Desa Sanda, Kecamatan Pupuan. Entil rupannyané sekadi lontong utawi belayag. Binannyané entilé puniki kakaput nganggén don telengedi utawi kalingedi tur kategul nganggén tali sané mawasta tali kaso. Entil sujatiné wantah kakaryanin ring rahina Ulihan Galungan.[1]
Ritatkala rahina Ulihan Galungan, entil ketahnyane kaajeng sareng ulam miwah jangan sekadi urutan, ulam goréng, jangan urab, ulam ayam masisit, saur, lan kuah. Lianan ring rahina Uluhan Galungan, entil taler ketah kaajeng ritatkala wénten upacara kalayu sekaran inggian ritatkala nutug katalun. [2]
Parinama Entil mawit saking kruna kentel sané mateges kukuh. Dadosnyané entil punika madué suksman ngukuhang amerta sadurung sang pitarané mawali ka suarga loka. Entilé puniki pinaka lambang gapgapan majeng ring sang pitara ritatkala Ulihan Galungané.[2]
Entil sané kakaryanin nganggen kalih takep don punika pinaka lambang purusa lan predana. Don kalingidi sané kaanggen ngaput pinaka lambang galah ritatkala pitarané pacang mawali ka suarga loka. Selanturnyané tali kaso sané mawarna putih tur kaanggén negul pinaka lambang kasucian. [2]
- ↑ Admin (2022-02-01). "Entil Sanda, Kuliner Khas Pupuan Sarat Makna Filosofis". BALIPOST.com (ring Indonesia). Kaaksés 2023-08-27.
- ↑ 2,0 2,1 2,2 Ayuni, Chistina (2023). "Entil Pupuan, Makanan Tradisional Kaya Filosofi Jadi Oleh-Oleh Leluhur saat Rahina Ulihan?". Kaaksés 2024-10-12.