Ellie Goulding

Ellie Goulding
Ellie Goulding di Amsterdam, Belanda
Latar belakang
Wastan embas	Elena Jane Goulding
Embas	12 Désémber 1986 Hereford, UK, Inggris
Genre	Indie pop, Synthpop, Folktronica
Pekerjaan	Pagending, Pangawi lagu
Instrumen	Vokal, Gitar
Label	Polydor, Neon Gold, Cherrytree, Interscope
Artis terkait	Tinie Tempah, Calvin Harris, Lissie
Situs web	www.elliegoulding.com

Elena Jane Goulding (/ˈɡoʊldɪŋ/ gohl-ding; embas 12 Désémber 1986) inggih puniki silih tunggil pagending miwah pangawi saking Britania Raya. Pakaryannyane kakawitin duk matemu sareng produser rekaman mawasta Starsmith miwah Frankmusik, tur salanturnyane ida matemu sareng Jamie Lillywhite, dados manajer tur A&Rnyané. Sasampun ngawe lingga tangan kontrak sareng Polydor Records ring bulan Juli 2009, Goulding ngamedalang debut extended playnyané, An Introduction to Ellie Goulding, ring pungkur warsa punika.

Ring warsa 2010, Ellie Goulding ngamolihang jayanti ring Critics' Choice Award di Brit Awards. Goulding taler medalang pupulan gending Light ring warsa 2010. Pupulan puniki madué genah nomor siki ring UK Albums Chart tur prasida kaadol kirang langkung 850.000 eksemplar ring Britania Raya. Ring bulan November 2010, pupulan puniki medal malih pinaka Bright Lights, tur ngasilang kalih gending: asiki cover gending Elton John sané mamurda "Your Song" sané kapilih dados gending iklan Natal John Lewis sané pinih pertama, magenah ring nomor kalih ring UK Singles Chart.

Pupulan gending kaping kalih sané kamedalang olih Ellie Goulding mamurda Halcyon duk Oktober 2012. "Anything Could Happen" pinaka gending utama ring pupulan punika. Ring tanggal 23 Agustus 2013, gending anyarnyané sané mamurda "Burn", pinaka gending nomor siki ring Inggris. Di BRIT Awards 2014 ida ngamolihang jayanti pinaka Best British Female. Ellie Goulding ngamedalang pupulan kaping tiga, Delirium, duk 6 November 2015, antuk "On My Mind" pinaka gending utamannyané. Ring Désémber 2015, Ellie Goulding ngamolihang nominasi Grammy Award kapertama pinaka Best Pop Solo Performance malarapan antuk gendingnyané "Love Me like You Do".