Elang Ekor Panjang
Elang utawi sikep ring basa Bali. Silih sinunggilnyané sané kabaos Elang Ekor Panjang pinaka beburon sané rumasuk paksi sané madué kampid lumbang. Paksi puniki rumasuk ring famili Pandionidae. Genah idupnyané inggih punika ring tengahin wana miwah ring genah pasisi wana, mawit saking pasisi pasih kantos tegehnyane 3.000 mdpl. Elang Ekor Panjang inggih punika pinaka paksi sikep endemik Papua sané sampun wénten ring makudang-kudang wewidangan ring Papua mawit sakit Papua Nugini katos wewidangan sané nampek irika.[1]
Deskripsi[uah | uah wit]
Elang Ekor Panjang agengnyané 51 - 61 cm; madué kampid sané jimbar inggih punika 105 - 140 cm. Sikep puniki awaknyané ageng, kampid jimbar miwah ikuh sané dawa nénten sakadi paksi sikep tiosan. Sikep puniki makeber ngindang turmaning mapiteh ring duur kanopi antuk bulu kampid miwah ikuh sané kebat, sané prasida kacingakin wénten garis-garis ring bulunnyané.
Elang Ekor Panjang pinaka paksi sané rumasuk karnivora utawi demen ngamah bé (daging) turmaning madué ikuh dawa ring alas dataran rendah, gunung miwah ring genah tiosan. Wénten paksi sané pateh sakadi sikep puniki sané kawastanin paksi Baza Pasifik, sakémaon Elang Ekor Panjang puniki binannyané madué bulu ring tangkah sané magaris-garis. Cecirénnyané sikep puniki wantah kédik masuara.
Pustaka[uah | uah wit]
- ↑ K.Maury, Hendra (2021). Panduan Lapangan Bagi Pemandu Ekowisata Pengamatan Burung di Papua. Jakarta: WWF-Indonesia. p. 37.