Dugdéran
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Dugdéran inggih punika silih tunggil féstival ring Kota Semarang. Tradisi puniki nyihnayang kakawitin ibadah puasa ring sasih suci Ramadan. Acara puniki kakawitin oleh wali kota tur kameriahang olih kembang api. Wasta Dugdéran punika mawit saking suara letusan mercon miwah kembang api. Dug punika artosnyané suara sané mawit saking bedug sané kamunyiang ri tatkala pacang shalat Maghrib. Tur déran inggih punika suara mercon sané kaidupang ring acara puniki. Tradisi Dugdéran kalaksanayang saking warsa 1882 ring masa Kebupatian Semarang sané kapimpin olih Bupati R.M Tumenggung Ario Purbaningrat. Perayaan puniki sadurungnyané kalaksanayang ring Masjid Agung Semarang sané magenah ring pusat kota.[1]
Dina sane kajantos olih sameton Islam inggih punika Bulan Suci Ramadhan, inggih punika asasih kirang langkung 30 dina, sameton islam ring Indonesia nyalanang nhakti malarapan antuk Ibadah Puasa. Sameton islame pastika girang pisan yaning sampun niba ring bulan puasa, duaning asapunika umat islam margiang parikrama antuk makelingin bulan puasa, untengne mangda sida mawas lahir tur batin rikalaning ngaturang bhakti ring Bulan Suci Ramadhan.
"Dugderan" mawit saking kurna "Dug" lan "Der" taler polih akhiran an. Dug mawit saking munyin bedug Masjid sane katabuh, kruna Der mawit saking munyin dentuman sekadi meriam utawi keplugan petasan sane kasulutang mabriuk sareng tabuhan bedug pinaka niyasa sepengaruh bulan Ramadhan.
Dugderan kapertama kamargiang duk warsa 1881 olih Bupati Semarang Raden MAs tumengnggung Aryo Purboninggrat. Ida kasub kreatif tur madue jiwa seni sane tegeh pisan, luire sida menganggas parikrama sekadi niyasa sepengrauh Bulan Rmadhan, utawi bulan puasa. Sang Bupati margiang gagasan punika antuk nyalarang parikrana sekadi ritus sane matatujon nengahing kawentenan pabinayan ring makelengin Bulan Ramadhan.
Kasuwen-suwen, parikrama ritual punika sida mancing kawentenan krama Semarang lan wewidangannyane. Napi malih, kawentenan dagang sane rauh ring dura Semarang sida nyarengin parikrama puniki. Parikrama puniki mangkin kasub kalumrah kawastanin Dugderan, sane kamargiang nyabran warsa.
Tradisi Dugderan kamargiang ngantos kalih minggu (2 Minggu) sadurung bulan Ramadhan. Pucak parikrama puniki ring awai sadurung bulan puasa kakawitin. Ngelantur ring punika, kamargiang parikrama halaqah indik paungu Bulan Ramadhan kaniyasayang antuk tabuhan bedug. Hasil halaqah kasukserahang ring Kanjeng Gubernur Jateng, Kanjeng Bupati Semarang (walikota semarang), lan Gubernur sane nabuhang bedug, kapuputang antuk ngwacen doa.[2]
Tradisi Dugderan nyabran warsa sane kamargiang olih kramane ring Semarang. Parikrama punika sampun mamargi ngawit warsa ka warsa. Tradisi puniki nemu ring Bulan Ramadhan.Tradisi Dugderan puniki sampun mandos sekadi Pesta Rakyat. Sami para janane ring semarang ngawit ring alit-aliy nyantos kelih nyarengin parikramane puniki. Ring pamargi kadi asapuniki manados genah lah galah becik pisan kaanggen maadolan sekadi ajengan ngantos cendramata, punika mawinan akeh bulene sane rauh nyaksiang kawentenan parikrama Tradisi Dugderan.
Ritatkala tradisi puniki kalaksanayang, wénten peken sané akéh ngadol makudang-kudang soroh barang. Nika mawinan ring galahé puniki wénten makudang-kudang sponsor miwah industri ageng sané nyarengin acara tradisi puniki. Ring Dugdéran taler wénten plalianan sané dados cecirén acara puniki, plalian punika mawasta "warak ngendok". Dugdéran kadadosang sarana malilacita miwah sarana keagamaan olih para kramanné irika.
Kirab budaya puniki kakawitin ring natah balai kota Semarang, Jawa Tengah. Kirab puniki kasarengin olih makudang-kudang sekolah miwah organisasi para kramanné. Sané nyarengin wénten taler saking Paguyuban Tri Tunggal Semarang sané ngamolihang undangan resmi saking Dinas Pariwisata Kota Semarang.
Sadurung bedug jagi katabuhang, patut nyagayang uperengga marupa:
| 1. | Bendera. |
| 2. | Karangan bunga untuk dikalungkan pada 2 (dua) pucuk meriam yang akan dibunyikan. |
| 3. | Obat Inggris (Mesiu) mwah kertas koran inggih punika uperengga meriam. |
| 4. | Gamelan disiapkan di pendopo Kabupaten |
- ↑ Hailiyati, Nia (2019-08-26). "PERBANDINGAN IDEOLOGI PADA NOVEL 'AZRA' JAKARTA DENGAN IMAGOLOGIE SEJARAH G30S-PKI VERSI PERPUSTAKAAN NASIONAL". Tsaqofah dan Tarikh: Jurnal Kebudayaan dan Sejarah Islam. 4 (1): 78. doi:10.29300/ttjksi.v4i1.1102. ISSN 2528-732X.
- ↑ "Tradisi Dugderan". Rumah Belajar. Kaarsipin saking versi asli tanggal 2023-03-08. Kaaksés 2023-03-08.