Danu Toliré
Danu Tolire inggih punika silih tunggil danu sané wénten ring Indonésia. Danu Toliré magenah ring Ternaté, Maluku Kalér. Danu puniki magenah ring sor cokor Gunung Gamalama kirang langkung 10 km saking Kota Ternaté. Danu puniki wénten kakalih tur kawastanin Danu Toliré Ageng miwah Danu Toliré Alit sané madué jarak 200 méter.
Saking kakalih danu punika, Danu Toliré Ageng madué keunikan. Wentuk danu puniki sakadi loyang raksasa. Danu puniki madué kedaleman kirang langkung 50 méter miwah jimbarnyané kirang langkung 5 héktare. Makéh soroh ulam ring Danu Toliré Ageng, nanging krama drika pada jejeh nakep ulam utawi makolem ring danu punika. Krama drika madué pikayun danu punika kagenahang olih wong samar sakadi buaya. Keunikan lianan saking danu puniki inggih punika yéning iraga ngempug batu utawi barang, nénten taén keni toya danu punika. Manut krama drika, makéh harta karun ring Danu Toliré Ageng. Harta karun puniki druwén krama Kesultanan Ternaté ritatkala Portugis menjajah Ternaté ring abad ka-15. Makéh krama Ternaté sané ngentungang harta ka danu mangda nénten kaambil olih tentara Portugis.
Makéh objék wisata ring wewidangan Danu Toliré Besar, sakadi panorama puncak Gunung Gamalama sané pinaka gunung api pinih tegeh ring Maluku Utara. Tiosan punika, wénten bénténg peninggalan Portugis miwah makam Sultan Babullah sané pinaka Sultan Ternaté. Wénten taler panorama pasir putih Pasisi Sulamadaha sané nampek saking Danu Toliré Ageng.[1]
- ↑ "Kisah Pilu Di Balik Danau Tolire Yang Penuh Pesona". Indonesia Kaya. Kaaksés 2023-06-11.