Danu Tigi

Saking Wikipédia

Danu Tigi inggih punika silih tunggil danu sané wénten ring Indonésia. Danu Tigi magenah ring Kabupatén Deiyai, Provinsi Papua Tengah, Indonesia. Danu puniki magenah ring cokor Gunung Deiyai tur magenah ring ketinggilan 1.700 meter baduur permukaan laut. Nika mawinan wawidangan danu Tigi madué iklim sané dingin. Danu puniki madué kedalaman kirang langkung 150 meter miwah wénten pulo alit sané mawasta Pulau Duamo. Danu puniki ngranjing ring wawidangan adat Meepago sareng danu sané lianan sakadi Danu Paniai, Danu Tage lan Danu Makamo sané taler magenah ring cokor Gunung Deiyai.[1]

Buron Ring Danu[uah | uah wit]

Danu Tigi akéh madaging sarwa beburon. Ulam sané ketah iriki inggih punika Ulam Nila (oreochromis niloticus), Ulam Mujair (oreochromis mossambicus), Ulam Mas/Karper (cyprinus carpio), Ulam Sembilan Hitam miwah Ulam Belut (synbranchus). Driki taler wénten buron langka endemik Papua inggih punika Udang Selingkuh (cherax albertisii). Kawastanin sakadi punika sawiréh udang puniki madué capit ageng sakadi yuyu, nika mawinan udang puniki kaduga hasil perselingkuhan utawi perkawinan udang sareng yuyu.

Wisata[uah | uah wit]

Wawidangan Danu Tigi sané kantun asri ngawinang danu puniki kaanggén genah wisata. Driki prasida mancing utawi nyéwa jukung kaanggén muterin danu. Ring wewidangan Danu Tigi wénten makéh fasilitas sakadi pos jaga, pemandu wisata miwah pondok wisata. Persewaan Jukung, alat mancing miwah warung-warung cenik wénten driki. Yéning jagi ka Danu Tigi patut kaawalin antuk perjalanan ka Kota Enarotali, Ibu Kota Kabupatén Paniai.[2]

Pustaka[uah | uah wit]

  1. Suchari, Yunus (2016-09-19). "Danau Tigi Yang Perawan di Deiyai". GoWest.ID (ring Indonesia). Kaaksés 2022-12-18.
  2. "Portal Berita Papua No. 1" (ring Inggris). 2020-08-05. Kaaksés 2022-12-18.