Danu Rana Tonjong
Danu Rana Tonjong inggih punika silih tunggil danu sané wénten Indonésia. Danu puniki magenah ring Desa Nangabaras, Sambi Rampas, Kabupatén Manggarai Timur, Nusa Tenggara Timur.[1] Danu puniki magenah 90 km saking Kota Ruténg. Danu Rana Tonjong wantah danu tunjung sané ageng ring gumi. Danu puniki madaging taru tunjung sané ngulangunin. Krama drika ngorahang taru tunjung punika nénten mrasidayang tumbuh ring genah lianan. Yéning kabakta ka genah lianan, taru tunjung nénten lakar mabunga.[2]
Ring basa NTT, danu tunjung kawastanin Rana Tonjong. Rana maarti danu, Tonjong maarti tunjung utawi lotus. Tunjung ageng punika tumbuh ring danu sané jimbarnyané 2,5 hektare sané kaiterin antuk perbukitan ring sisi kaja miwah uma ring sisi kangin. Ring masan mabunga, warna barak saking kembang tunjung ngulangunin ring danu. Tunjung ring danu punika nénten sakadi tunjung lianan sané tumbuh ring permukaan air. Tunjung puniki tumbuh sakadi talas sané tegehnyané 3 meter, jimbar donnyané 30 cm miwah bungannyané 25 cm. Tunjung puniki madué wastan latin Victoria amazonica mabunga sabilang April ngantos Méi. Sasampuné masan mabunga, bongkol taru tunjung puniki madaging biji-biji sané prasida kaajeng.[3]
- ↑ Media, Kompas Cyber (2020-08-07). "Rana Tonjong di Manggarai Timur, Danau Teratai Terbesar Kedua Dunia Halaman all". KOMPAS.com (ring Indonesia). Kaaksés 2022-09-24.
- ↑ "Rana Tonjong, Danau Terunik yang Ada di Manggarai Timur". kumparan (ring Indonesia). Kaaksés 2022-09-24.
- ↑ "Rana Tonjong di Pota, Danau Lotus Terunik dan Terbesar Kedua Di Dunia". floresku.com (ring Indonesia). Kaaksés 2022-09-24.