Danu Aneuk Laot

Danu Aneuk Laot inggih punika silih tunggil danu sané wénten ring Indonésia. Danu Aneuk Laot utawi Danu Anak Laut magenah ring tengah-tengah Kota Sabang utamannyané ring Pulo Weh. Danu puniki wantah sumber mata air antuk krama Pulo Weh. Manut carita, Danu Aneuk Laot wantah danu sané mawit saking bekas kepundan gunung berapi sané sampun padem miwah kadagingin olih toya sabeh ngantos mawentuk danu. Danu puniki nénten madué inlet ring wentuk aliran tukad nanging madué outlet ring wentuk rembesan miwah aliran toya mawit celah utawi bongkahan watuan dasar danu. Danu puniki wantah danu sané terisolasi.

Danu puniki wantah sumber mata air mageng makasami krama Pulo Weh. Aneuk Laot wantah basa Aceh sané maartos Anak Laut. Ring danu puniki para tamiu prasida nyingakin engseb surya. Ritatkala wengi, saking baduur bukit Kota Sabang prasida nyingakin kerlip sunar lampu sané ngulangunin.

Danau Aneuk Laot puniki makéh kajagjagin olih wisatawan saking mancanegara. Ring awarsa pamuput toya Danu Aneuk Laot puniki ngrasayang panuunan antuk total kaicalan toya 489,2 meter kubik per jam. Unduk punika ulian peristiwa gempa bumi sané melanda Aceh ring 26 Desember 2004 sané ngawinang panyimbaran bongkahan ulian linuh.